【股場解密】科技股有排捱 無貨一身輕（歐陽風）
2018-4-27 8:54:17
港股再跌320點，一度失守30000點關，在惡劣氣氛之下，唔炒好過炒。先講大隻嘢，當資金退潮，基金買開的股票點都會跟大市跌，呢兩年基金買乜股賺最多？當然是騰訊（00700.HK）及舜宇（02382
.HK）等手機及相關配件股，呢個SECTOR卻撞正中興華為風眼，基金賺咁多一定沽呢批股份。
就算中國急起直追大舉投資芯片，內地芯片股就會有前途？答案是否定的，先不說中國透過政府集資得來的資金，都被層層貪腐掉，最後落實到了科研項目身上，很多時都差人一大截，晶片行業再投資多少錢，也不可能短期內做到成績追上美國及韓國等芯片大廠。
因此投資在中芯國際（00981.HK）身上又係得個桔。最後投資在ASM太平洋（00522.HK）身上又如何？答案也是否定的，事實中興出事後，華為都極可能出事，中國需要芯片，但更需要的芯片生產設備根本因零件禁運而不獲放行，最需要大量芯片的手機行業又找誰來做生產呢？
ASM去年收入有75億元來自中國市場，佔了近半市場，假如中國市場增長因此停滯，ASM都好大鑊，所以唔係話中國急起直追搞芯片就好信，中國科技股依然前路難行。
當科技股唔得，其他中型股又因資金退潮而無運行，細股是不是有機會發圍。答案也是否定，近日一隻煜榮（01536.HK）令市場對殼股信心全失，唔想踩蕉皮最好都係避避風頭。
股場解密 - 歐陽風 舊文
來源 source: http://www.winmoney.hk