【實力取勝】健身係為咗見到更好嘅自己（陳承龍）
2018-5-17 17:53:41
好多人主觀覺得小弟肥 ，完全莫視我啲肌肉嘅存在 ，好在聽到意見會接受同改進 ，係小弟同《港股策略王》做事嘅宗旨。至於小弟近日再的起心肝操返起係為咗乜？為咗型 、為咗威？呢啲太膚淺 ，唔係小弟嘅
style，健身其實係為咗見到更好嘅自己 ，要近似《 大追捕 》入面嗰個張家輝 。
眾所周知 ，小弟一度弗到漏 ，當年喺堆填區識正大師嗰時 ，我日日都操完先返工 ，猛問佢我夠唔夠「 乾身 」，啲肌肉靚唔靚（ 當然其實我係周圍問同事 ，只係大家識佢 ，佢做到目擊證人 ）。後來去咗 DBC，再出嚟創業，搞《 港股策略王 》，應酬多咗，運動少咗 ，唔小心就肥咗小小 。其實 ，平時大家返工炒股咁辛苦 ，搵到錢飲飲食食去玩固然係 Relax，但對自己好嘅方法 ，係令到自己身體好 ，小弟早牌又情緒病 、又咳 、又高血壓 ，真係感受到健康嘅重要性 ，所以小弟健身 ，目的係令到自己嘅身體變得更好 ，每朝照鏡都見到一個比昨日好嘅自己 ，呢個係對自己同家人好嘅最好方法之一 。與此同時 ，今次健身係都為咗影寫真 ，預計書展出 ，大家儲定錢買呀 ！
早幾日收市 ，小弟就去咗銅鑼灣嘅 Eliment Fitlax 做 咗 個 測 試 ，而 所 謂嘅測試係用一部先進儀器做嘅。根據教練Ivan 哥 哥同小弟分析嘅結果 ，我都有90分 ，Ivan 話算係高，不過脂肪就偏多，好彩蛋白質同骨骼強度都好夠 ，小弟都自覺係可造之材 ，簡單啲總結 ，係要我減 6 . 1公斤就達標 。
為咗達標 ，小弟已經戒咗菠蘿油同即食麵 ，下晝都係食雞胸沙律 。當日 ，Ivan 就試試我嘅體能 ，其實小弟已經成年冇跑步 ，只係兩個星期行一小時樓梯機 ，後尾教練建議我練好四頭肌嘅內側 ，嗰晚主力做咗踎腿 ，我都身水身汗 ，即時效果梗係冇咁快啦 ，但只要肯努力 ，小弟一定變到《 大追捕 》入面嗰個張家輝咯 。
教練 Ivan 都幾搞笑 ，會畀優惠策略王讀者之餘 ，話大家睇完策略王搵到錢 ，就要練返好個 body，如果唔好彩損手嘅話 ，就做健身發 洩 喎 。大 家如果去 ，記住話係社長介紹呀 ，堅有優惠㗎 。
陳承龍
實力取勝 - 陳承龍 舊文
來源 source: http://www.winmoney.hk