智取大市 - 晉佳 2019年1月16日
智取大市：反彈後有壞劇本？ - 晉佳
美國下一輪發難時間表，可能係90日停火期後、可能係2月底前後。圖為總統特朗普。 資料圖片 適中字型 較大字型
人民幣轉強，由驚破7，去到回穩預期出現，理論上只係靠呢份預期，唔少股份仲有得炒一轉，唔理好醜嘅人民幣概念中資二三線股，都要由低位反彈兩成先夠皮吧。
人民幣回穩，至少證明咗中央頂得住，市場又信中國冇事。不過，要潑一潑冷水，可能好矛盾地，人民幣回穩成為一個貿易戰惡化嘅觸發點。美國以中國經濟爆煲作為威脅，試圖切斷曬華為國際業務經脈，明顯地，中國未有事，仲未逼到中國投降，中國5G加緊發展，仲同高通開曬香檳咁宣佈合作。美國會唔會祭出大招去威脅中國，即係全方位徵收25%關稅？《華爾街日報》啱啱傳出，中美副部級談判基本上乜嘢協議都傾唔到出嚟。見住人民幣回穩、中國頂得住，理論上就係要美國進一步施壓之時。投資者你眼望我眼之際，都會有人開始賭呢個劇本會否成真。
美國未驚燒到自己，因為暫停加息預期一出，股市就反彈。佢仲有停縮表、甚至不惜重啟QE嘅皇牌未出，仲有本錢向中國發難。下一輪發難時間表，可能係90日停火期後、可能係2月底前後。如果美國出盡招都未逼到中國投降，美國又驚自己經濟後欄失火，呢個先係真正見到曙光之日。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com