會師中環 - 神仙丁 2019年1月18日
會師中環：最低人工嘅專業人士 - 神仙丁
打工皇帝霍建寧是會計師，年收入以億計，不過佢咁高人工係結合其他知識技能，唔係純粹靠會計知識。資料圖片 適中字型 較大字型
最近在討論區出現一個名為「會計師係咪最低人工嘅『專業人士』」的帖子，指醫生律師的月入輕易有十幾廿萬，厲害的更可以月賺一百萬，而會計師的月入只有三、四萬。根據會計師公會的調查，2018會計師月入平均數（十二個月計）約68,000元，2017年的入息中位數則為50,000元，月入超過十萬的佔會計師總人數的12%，超過二十萬的就只有3%。明顯地，會計師人工是不及醫生，月入中位數只等於醫生的畢業價，而對比律師我相信亦是處於下風。
會計師人工較低其實很正常，單計該科的入學要求已差天共地，而且亦較易獲得專業資格，單計香港會計師公會會員就超過四萬人，連同其他會計師組織，真正「通街都係」。當然，會計師都不乏有錢人，例如打工皇帝霍建寧，他亦是會計師，年收入以億計，不過甚少人以他作會計師高收入的例子，因為大家都清楚佢咁有錢，同佢嘅會計知識冇咩太大關係。
呢個例子，亦說明一個會計師要真正高人工，很多時都要結合其他知識技能如金融、做Deal才成事，而且我哋亦不會因此得出歸「會計師好搵」的結論，正如方力申娛樂圈搵真銀，你都唔會話「香港運動員好賺錢」一樣。單計純會計的工作，通常人工都不太高，真正靠會計搵大錢的人，除了少數會計師樓老闆外，真的可謂少之又少。
神仙丁
《審計搵丁》負責人
http://facebook.com/AuditSlave/
本欄逢周五刊出
會師中環 - 神仙丁 舊文
來源 source: http://hk.finance.appledaily.com