【魚樂無窮】指數基金之父教曉我的道理（唐牛）
有指數基金之父之稱、領航（Vanguard）基金創辦人博格爾（Jack Bogle）與世長辭，享年89歲，我唯一一次接觸他，就是拜讀其著作《一本書學識投資》（The Little Book of Common Sense Investing
），書仔細細文字不多，含金量卻超高。
簡單而言，博格爾認為，普羅大眾投資，只能購買指數基金，基金經理萬萬掂不得，無他，後者的高昂收費蠶食回報，卻未必保證能跑贏大市。相反指數基金收費平，加上會自動幫你揀股（例如恒指每三個月檢討成份股，盈富（2800）便會跟隨換馬），連做功課的時間都慳番。
當然，我並冇因為咁all in盈富，但卻受其「收費影響回報」的宗旨深深打動。你兩蚊買隻股票，但要畀經紀費、印花稅等等，一買一賣隨時要2.05元先回本，意味頭1%升幅肯定冇你份，千祈唔好睇少呢一個百分點，入場得勝率已因此拖低至少於五成，還未計因為情緒困擾而做錯決定等因素，真真正正慘過賭大細。是故近年買賣股票數目趨減，一定要有值博率才衝入場。
博格爾上述的論據，亦明確點出強積金究竟有幾仆街，希望他在天之靈，可以打救一下香港的打工仔吧！
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com