金手指 - 孫柏文 2019年3月19日
金手指：脫歐不成 英必大亂 - 孫柏文
就英國脫歐，如果英國國會交唔到貨，英國將會大亂。 資料圖片 適中字型 較大字型
好多時，孫柏文聽全球啲政客推某啲政策時，都會話如落實會令世界「更民主」。如果你係啲被填鴨，問你「更民主」有乜好？你就會機械人式話「少數服從多數，社會最多人受惠！」如果你有睇開隔離利世民嘅專欄，就知「民主」呢樣嘢，特別係代議政制，就係一個將社會內有嘅戾氣、矛盾，從各人代表透過冇審查嘅議會辯論中揮發，特別係對當權者嘅行政霸道。唔使街頭動武去fight。
咁再問，點解英國有嗰種土壤，成為民主搖籃，而中國人冇呢？根據香江第一才子解釋，呢個係因英國人有崇高嘅基因，而中國則係奴性重嘅小農中產DNA社會。
咁關炒炒賣賣咩事？原因好簡單，如果你同我一樣，都係抱住Necessity is the mother of invention信念。英國佬發明「民主」呢樣嘢，係因佢哋嘅DNA係充滿暴力，如果冇「民主」去揮發社會矛盾，就會不斷出現「唔和諧」景象。而中國人則和平DNA強好多，所以硬食當權者行政霸道嘅能力都高好多。
兩年前嘅脫歐公投，英國人民好和平咁選擇獨立。如果英國國會交唔到貨，英國將會大亂。當然，今時今日行政霸權欺壓嘅能力高咗好多，不過以英國人DNA，一定會有反撲。歷史話，輕則到處暴動，重則打內戰。到時，你喺英國嘅樓，買咗嘅英鎊，又會點呢？
孫柏文
獨立股評人
http://fb.com/shuen
本欄逢周二刊出
金手指 - 孫柏文 舊文
來源 source: http://hk.finance.appledaily.com