【異動尋寶】「政府工作報告」大贏家（魏力）
李克強發表政府工作報告，稱今年的發展環境比去年更複雜。更多
市傳中美貿易戰月尾會達成協議，對股市自然是好消息，但魏力心中一直有個疑問：達成協議後，兩國會否重新收緊貨幣政策？觀乎近日兩國的表現，答案卻是相反──政策越來越鬆！
為甚麼？睇兩國近月經
濟數據就會明白，實體經濟已因貿易戰而「攬炒」，傷害已成，故此就算傾得成，都要放水去谷經濟，否則「侵侵」明年大選也是死路一條。美國方面，停加息、停縮表、出口術壓低美元；阿爺方面，降準放水壓低利率、減稅降費、放鬆樓市，刺激內需，可謂法寶盡出。由於中美目前通脹壓力甚輕，因此可以放膽去做，實體經濟未救番生，但股市已炒到不亦樂乎。
只要有錢、有信心，股市就有得炒，以實體經濟差為藉口去睇淡個市，雖然最後可能是對，但眼前可觀的賺錢機會就白白溜走，贏了口水戰，但荷包毫無寸進，甚至逆勢做淡，為博贏三兩百點熊仔，捱足唔知幾多百點，效率不高，邏輯也不通。真係驚個市會忽然股災，也只能用注碼控制風險，炒細注一點，走短線一點，過夜貨盡量少，其實已相當穩妥。
講番兩會政府工作報告，重點有不少，但大贏家只有一個，就是內房股。減稅降費固然可帶來一次性的刺激，但房產政策轉向，卻是一個較為中線的投資概念，值得研究。
記得去年兩會，阿爺對房市有兩大觀點：一、房住不炒；二、租售併舉。前者很易明白，後者則是鼓勵房企起完樓，唔賣出去，而轉為以「長租公寓」形式，租畀無錢買樓的人。呢兩招成功壓住炒風，令房價回落不少。
不過去到今年，當務之急是穩經濟、穩就業，房價再跌，資產大縮水，經濟、就業（以至政局）自然雪上加霜。因此，今年兩會「房住不炒」、「租售併舉」全部唔再提，只說「穩步推進房產稅立法」，以及「大力推動舊城改造」，暗示房市政策轉鬆，「唔會畀經濟死在樓市調控手上」。所謂「小罵大幫忙」，今次阿爺明顯鬆章，內房股或有一輪炒作。
www.facebook.com/2012jason
異動尋寶 - 魏力 舊文
來源 source: http://hk.finance.yahoo.com