魚樂無窮 - 唐牛 2019年5月9日
馬上成為壹會員
會員註冊/登入
【魚樂無窮】如何在逆市翻身 - 唐牛
現時的市況，最簡單的方法就是將彈藥分成幾注，恒指每跌1,000點，就出手買一注。 資料圖片 適中字型 較大字型
特朗普發難事件進入第三日，港股收市險守29000點大關，累計唔見1,000點，幅度看似誇張，其實算是克制，始終美國會否如期在星期五向中國貨品提高關稅才是戲肉，加上中方依然派團隊前往華盛頓講數，結果係點冇人會知，是故現階段淡友都唔敢沽得太狠。正如有幾多人估到利物浦主場可以大數巴塞四粒，奇蹟晉級歐聯決賽吖。
股票市場能見度大減，由順風變成無定向風，作為散戶首要做的是調整心態。無他，贏錢難度大大提高，要短時間內追回損失幾乎不可能，越是用賭博心態落注，只會輸得越甘。
叫你完全收手又好難，倒不如用注碼控制風險，以往落注100蚊嘅，𠵱家減半用50蚊試，慢慢適應市場的新步速，才是翻身之道。
恒指今年連升4個月，但跑輸大市的人肯定屬大多數，如今調整就在眼前，樂觀啲睇，就係畀機會你入場部署，升又唔敢買，跌又唔敢買，最後就係一世都唔買。
當然，資金如何配置又是另一個考功夫的題目，最簡單的方法，就是將彈藥分成幾注，恒指每跌1,000點，就出手買一注，務求將成本變得平均，把風險降到最低，講到呢一刻，你係咪好想股災快啲出現呢？
唐牛
http://fb.com/tongcow88
本欄逢周二、四刊出
魚樂無窮 - 唐牛 舊文
來源 source: http://hk.finance.appledaily.com