Hea富生活 - 郭釗 2019年5月9日
馬上成為壹會員
會員註冊/登入
【Hea富生活】商舖賣散難做起 - 郭釗
落馬洲邊境新田購物城以自由行購物勝地吸引租客，可惜人流極少，生意不似預期。 資料圖片 適中字型 較大字型
又有商場苦主蝕住離場，今次是自由行購物勝地──落馬洲邊境新田購物城。由立法會出名好瞓的黃定光做推手，嘩，聽見已經想加入。早年以大陸水貨客迫爆上水做賣點，又是低門檻、高回報等舊酒新瓶吸引租戶，怎料上年開始人流極少，就算有一車車國內團到購物城食肆吃團餐，食完即走，有人經過睇嚇都被領隊喝止，購物當然要去大會「指定」店舖啦。
商戶開一日蝕一日，想蝕少啲只開周末又收營運方律師信，要求賠償宣傳及租金，真是想輸少當贏都難。
經營商場其實很專業，商戶比例，有多少間餐廳、引入哪些牌子、酒樓食肆種類、超市、戲院、兒童遊樂設施等，完全有數得計。為免產生惡性競爭，比例要均衡，有時為求某類品牌進駐，用長免租期等不同優惠吸引租客，務求做旺個場，盡量令每個商戶租客都賺到錢，翌年才有加租議價能力。
商人棄商轉炒賣
整體物業升值才是最終目的，否則越做越黴，留不住人就難以翻身。這非要單一業主管理的商場不可，像Maple Tree的又一城、新鴻基地產（016）旗下商場、太古（019）甚至領展（823），都是這樣原則經營，只是因地區而異，定位各有不同。
這類購物城跟劏場差不多，舖位租散賣散沒經營主題，有錢交租就可進駐，經營的都是在大陸入貨的小商戶，貨品沒有特色，更可能同一時間幾間舖都賣相同貨品。
加上近年網購盛行，商場經營本來已難度大增，新田購物城附近是貨櫃場，仲要搭接駁小巴，就算商場有主題，都要經營者肯守肯蝕一段時間，才有些微生機。
連旺角先達廣場人流咁多，炒手機熱潮一散，二、三樓也是吉舖連連，唯葵湧廣場是少有的幸存者。
香港經營環境越趨困難，返大陸又有逃犯條例，反而領展越升越有，又唔使自己經營咁煩咁大風險，好多商人都棄商從炒賣，開舖經商已不合時宜，政府應營造更佳的新經濟產業環境給後生一輩，不致香港經濟增長得0.5%。
郭釗
http://fb.com/heaology.edu
本欄逢周四刊出
Hea富生活 - 郭釗 舊文
來源 source: http://hk.finance.appledaily.com