智取大市 - 晉佳 2019年6月3日
馬上成為壹會員
會員註冊/登入
【智取大市】中美封牌一個月 - 晉佳
中美貿戰嘅壞消息照計近呢一個月要封一封頂，等下一刻埋枱再傾。 資料圖片 適中字型 較大字型
中國商務部將會建立「不可靠實體清單」，係自美國制裁華為之後嘅一大反擊招數，令科技戰可以無限想像。但正如本欄早前提過，不能忽視美國喺呢場科技戰之中付出嘅代價，因此美國敢去到有幾盡？未必是世界末日。
6月28至29日嘅G20峯會係重要時間表，市場估G20中美談判無成果，睇法略為負面，冇期望就冇失望，係好事。
目前情況好似賭神高進同新加坡賭王陳金城嘅賭局，美國選擇抵制華為「曬冷」，中國一聲「跟你！」𠵱家去到6月尾之前，就等如陳金城嗌一句「封牌！揸個水先！」接近呢一個月，壞消息照計要封一封頂，等下一刻埋枱再傾，當然中間會有零碎嘅消息擾亂投資者。
G20峯會各國元首各懷鬼胎，但大抵希望兩個大國學似舊年12月擺場和頭酒。港股形勢喺未來一個月無大變化，就係兩極化情況會持續，最受累自然繼續沽，強者又會越強，例如平保（2318）、頤海（1579）、澳優（1717）、亞泥（743）等等能照升如儀，相信不乏破頂股，睇住恒指意義不大。
講到呢度，香港樓市資本確實利害，係《逃犯條例》修訂以至科技戰當前，都穩如泰山，不禁令人疑惑，CCL最終究竟可以升到邊度去？真不能估頂。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com