經濟客飯 - 曾國平 2019年12月20日
【經濟客飯】邱騰華真儍定扮蠢？ - 曾國平
商務及經濟發展局局長邱騰華 適中字型 較大字型
越多人討論黃色經濟圈，越多人提出歪理謬論，例如日前商經局局長邱騰華跟網民「對話」（哲學問題：你可以跟錄音機對話嗎？），指香港經濟結構從來不單一，以黃藍政治立場區分，或以某類特定先決條件去決定光顧哪類店舖，並非港人信奉原則，「全世界都冇人劃地為牢，睇唔到呢樣嘢可以點持續落去」。這個經濟零分（政治也不見得高分）的答案，竟出自一位管轄香港商務及經濟發展的高官之口，真係唔知點反應好。
沒特定先決條件去消費的，肯定是奇人異士。難道局長會合埋雙眼隨機決定去邊度食飯？商戶為利益驅使，真黃扮黃各出其謀吸客，點樣同自由經濟有衝突？我不知局長真儍定扮蠢，只知類似言論會以不同形式不斷出現。為大家免受荼毒，我提供一段簡單易明的「黃色經濟圈簡述」，藉以對抗愚昧：「黃色經濟圈係一個經濟現象，唔需要乜『大台』中央集權。就好似有人鍾意買有機產品，有人堅持飲公平貿易咖啡，有人鍾意少油少糖。黃色政見係個人喜好，有需求就有供應。商戶為消費者提供黃色消費體驗，亦係自由經濟運作下結果。喜好有代價，黃色要求太高就難免賣得貴，但市場會搵到均衡點，畀消費者去滿足唔同程度嘅黃色生活。撐黃拒藍嘅港人越多，越多黃店生存，就係咁！」
曾國平
美國維珍尼亞理工大學經濟系副教授
http://fb.com/economics3.0/
本欄逢周五刊出
經濟客飯 - 曾國平 舊文
來源 source: http://hk.entertainment.appledaily.com