【魚樂無窮】輝山乳業與港交所（唐牛）
【魚樂無窮】輝山乳業與港交所（唐牛）
距離年結僅個多星期，交易日只餘下六日（嚴格來說係五日，因為平安夜及除夕都係半日市）。恒指近日在28000點遇阻，好大原因係A股突破3000點後未能更進一步，可以預期，未來數天成交會越來越薄弱，反而有機會造就指
數破關。至於向上定向下，觀乎港滙強勢、中美貿易戰降溫，當然係開大機會較高。
輝山乳業（6863）停牌兩年多後，終於宣佈失救，除牌收場。還記得去年在HKU SPACE教書時，講到股東增減持，總會以這隻股份作結。事緣公司大股東楊凱當年經常在市場掃貨，而且更是越搶越高，吸引不少散戶跟搭順風車。不過，就在停牌前幾日，楊凱竟然一反常態在場內沽貨，似乎已響起警號，之後的發展，相信大家都好清楚。
事有湊巧，披露權益數據顯示，港交所（388）行政總裁李小加星期三減持股份，為他上任以來首度沽貨，套現1.7億元，平均價256.533元。當然，港交所唔會好似輝山乳業咁拉閘，但作為一家之主，突然要錢唔要貨，必定會惹來揣測，例如李小加係咪準備離任？佢係咪覺得股價見頂？無論如何，負面效應不能小覷，今日開市肯定會捱沽，假若失守254元，調整幅度會更深，戰友們自行留意。
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com