智取大市 - 晉佳 2019年12月23日
【智取大市】長期留意優質新股 - 晉佳
藥明生物未來Projects數目大增，預計盈利增速仍高。資料圖片 適中字型 較大字型
香港新股市場早幾年充斥九成以上垃圾股，近年情況好轉，起碼阿里巴巴（9988）上市本身有美股估值明碼實價，美團（3690）咁啱上市後冇耐始進入收成期。
近年內需股、物管股等等嘅增長股估值炒到天咁高，加上內地生科股估值明顯比美股上市為高，於是吸引到一批具潛力嘅增長型新股，願意高價上市畀各位接貨。當然，優質的話上得市畀你買固然貴到飛起，但總好過賣垃圾畀你。最後大部份增長型新股喺潮退時，會發現一部份正在裸泳，不過當中仍會發現好嘢，浮上面嘅並不一定係垃圾。
內地CRO（Contract Research Organization）二哥康龍化成（3759）嚟香港上市後，股價表現還算不錯。如果同龍頭藥明生物（2269）比較，藥明生物作為龍頭，盈利增長速度更快，估值相對康龍化成為高當然合理。藥明生物未來Projects數目大增，預計盈利增速仍高。而康龍化成上市後，股價近期升幅略遜藥明生物，反映增長更快嘅龍頭大佬更受投資者歡迎。藥明生物升到紅底股水平，預料明年市盈率會明顯低過百倍；若未來一年因市況而見顯著調整，拉低估值，都仲係逢低吸納機會。始終中國CRO股面對經濟抗逆能力相當高，未來仍平極有個譜，亦相信會繼續跑贏康龍化成。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.entertainment.appledaily.com