金手指 - 孫柏文 2019年12月24日
【金手指】分析員必睇日戰爭片 - 孫柏文
《阿基米德之大戰》（the great war of archimedes）電影海報 適中字型 較大字型
上周孫柏文睇咗一齣戲。睇完，第一個反射式反應係每個做分析員嘅人都一定要睇。好戲！
齣戲由漫畫改篇，叫《阿基米德之大戰》（搵唔到正式譯法，所以自己譯）。故事基本上講兩班人爭budget，如果你懷疑對方做嘅成本估價係老作，嚴重偏低，爭贏咗筆錢，你喺冇關於對方project細節下，點計條數去踢爆對方造假呢？
仲有，如果你係分析員，仲要係sell side，更要天腳底都摷呢齣戲睇。原因戲中講嘅project，就係二戰日軍嘅大和號戰艦。搵分析員踢爆嗰個，仲要係話驚日本同美國開戰後，會滅國，但幾年後決定偷襲珍珠港嘅山本五十六。有一場講山本遊說分析員嘅戲，山本知佢係反戰者，同佢話唔踢爆大和號個估價，真係造出來，可引發美日戰爭。
個分析員只係一句，用兩個data point就輕易解釋點解冇得打。咁嘅salesmanship，真精采。
真係令我不得不推介嘅位，係電影最尾，負責大和號嗰個，喺被踢爆後，點解釋嚴重低估造價去令管錢嗰個都繼續支持起隻船。
最令我不斷諗呢齣戲嘅原因，係負責大和號嗰個，最後點樣掉轉遊說個反戰分析員幫手造船，話起呢隻大和號，就係最可為沉淪於1905年日俄戰爭勝利嘅日本國民，從好戰心態中被喚醒，放棄周圍侵略。因為睇完，日日話自己係「第二大經濟體」嘅強國人，根本就係沉醉同一心態。
所以結論冇錯！齣戲係齣觀眾要用腦嘅電影。我多年冇update過嘅「甄別港女是否啱做老婆」測試表上，又多咗個test。呢齣戲就係試嚇條女有冇腦，同埋平時用唔用。自己摷片啦！
孫柏文
獨立股評人
http://fb.com/shuen
本欄逢周二刊出
金手指 - 孫柏文 舊文
來源 source: http://hk.entertainment.appledaily.com