利字當頭 - 利世民 2019年12月24日
【利字當頭】談澳門開賭邏輯 - 利世民
嚴格來說，賭場只是一個讓賭客對賭的地方，輸錢的，總是賭客。資料圖片 適中字型 較大字型
我在這個專欄經常提醒讀者，在賭場裏唯一不會輸的，就是開賭的人。嚴格來說，賭場只是一個讓賭客對賭的地方，輸錢的，總是賭客。
澳門回歸20周年之前幾天，坊間盛傳中央會容許澳門發展以人民幣計價的證券交易；有朋友私下問我意見，我說：「上海、深圳唔反對先算；再講，人民幣計價證券交易，香港都做唔起啦，澳門有本事做，咪做囉。」
朋友不明白箇中道理。我說：「開輪盤骰寶，門檻好低，最緊要係贏咗錢嘅賭徒，可以大搖大擺咁離開賭場。甚至乎，你話骰仔同個輪盤有古惑，賭仔其實更加開心；佢哋永遠覺得，個台越大，刀仔鋸大樹贏得越過癮。不過，假如你同賭仔講：『贏咗錢你咪使旨意割禾青！』咁個賭場生意好極有限。」
朋友仍然不明白。我又解釋：「咁我講得白啲啦。你要我用人民幣去賭股票，冇問題，當人民幣係籌碼囉。不過，我贏咗人民幣，都要換返港紙美金，係咪換幾多都得先？係嘅，咪去你個場賭囉。不過，如果可以去澳門任兌人民幣，恐怕全國會有好多好多愛國愛黨嘅同志，拎上千萬億嘅人民幣去撐場囉。」
講到尾，國際金融中心，重點在「國際」這兩個字。上海、深圳和澳門，可以用錢砌鋼筋水泥，甚至請些穿西裝打領帶的洋人充撐場面，但要人家肯真心真意、真金白銀落注跟你玩，那是另一回事。「禁止中國人和本地人在澳門賭股票，咪可以堵塞外滙管制嘅漏洞囉？」朋友問。「那中國大陸的人來賭股票，光明正大地輸，但另一邊廂，那個贏了的高級解款員，將錢兌換成美元運出境外，然後再接濟那輸了錢的同胞賭客，可以嗎？」說到底，四個自信，卻不讓國民自由兌換手上的鈔票，這叫底氣不足，夜郎自大。
利世民
http://fb.com/leesimon.hk
本欄逢周二、四刊出
利字當頭 - 利世民 舊文
來源 source: http://hk.entertainment.appledaily.com