資料圖片
國難當前，孫柏文點部署？要答，先要分享我覺得隻病毒點來。同之後嘅發展會點。
我信呢次係科學研究，因實驗室設計或做嘢流程亂咁來（例
如職員為搵多啲錢，攞咗用唔曬嘅動物去食物市場賣），漏咗出街。研究化武？唔知。可能係只係真心想知多啲關於冠狀病毒。
之後點？兩個禮拜前，喺我另一專欄話過，我信今次世上70億人全部會接觸到呢隻病毒。所以當袁國勇醫生話香港會有百幾萬人中，我覺得係低估咗。
死唔死得，就只係幾時中。中得早，醫療系統未過負荷，死亡率係低。接觸得遲，可能有藥醫或疫苗。不過如果用數學推測，如果你係最高峯時中，就會因醫療系統負荷唔到，死亡率會爆升。所以袁國勇醫生話香港會有幾萬人死亡，我以最沉重嘅心情，覺得太樂觀。
咁啲投資點部署？如果全球如是，冇錯，各國央行可以繼續瘋狂印鈔去頂住啲資產價格。不過當全球生產鏈已撕裂下，高速通脹是必然。
不過，印鈔下啲嘢貴咗好多，唔等於啲資產價格會升。啲公司都生產唔到，冇嘢賣，賺乜？啲公司冇收入，點還啲債？所以我已將現金比例推到超過9成，今年應該會係二戰後，總體人類生活水平第一次倒退。
做預測咁多年，今次真心希望我係完全錯曬。
孫柏文
獨立股評人
http://fb.com/shuen
本欄逢周二刊出
金手指 - 孫柏文 舊文
來源 source: http://hk.entertainment.appledaily.com