最近睇到兩個外國的抗疫宣傳廣告，一個來自法國，另一個來自意大利。有好多人都在社交媒體分享這兩個廣告，大讚連抗疫廣告都
拍得如此認真、歐洲人的質素幾咁高貴有風度。沒錯，作為一個廣告，的確拍得好好睇。其共通點係靚仔靚女，跳舞有型，音樂好聽，輕鬆優雅，總之，看完仲想再看。
問題就來了！抗疫宣傳最重要的，是達至提高警覺性與防範意識，反而過度輕鬆浪漫優雅，便完全失去當初拍這些宣傳片的本義。防疫並不是講玩，絕不可以掉以輕心，你睇今天大部份香港人出街、返工時的裝備，有幾多個可以做到高度戒備之餘又有型優雅？
大家預計好快到來的第三波，將會由外國留學生、旅遊及公幹人士從歐美回港時大量引入。在世界的另一邊，外國人不慌不忙、在露台唱歌跳舞支持抗疫也不戴口罩，現時先慢慢學習如何洗手同戴口罩，到處仍然存在戴口罩就會被歧視的情況。如此一來，疫情擴散點會唔一發不可收拾？點解啲留學生幾萬蚊一張經濟艙機票都要飛撲返港？香港人經歷過沙士，體會到抗疫係需要以極認真的態度嚴陣對待，才能戰勝疫情。
今日香港，大家的警覺性及認知度已經相當之高，唔太需要傳統的抗疫宣傳廣告。未來幾天，大批留學生返港，要有效減低傳播，重點在乎「執行」與「教育」。首先，政府的14日隔離政策，在執行措施上的效率與監管變得非常重要；另一方面，就是教育。有些小朋友去了外國幾年，習染西方思維，如果將那種「輕鬆優雅」的防疫態度帶回香港，後果不堪設想。希望他們的父母，立即做一些防疫教育，讓他們用極認真的態度面對疫情，做個負責任的香港人。
文迪晞
mailto:heyadmen@gmail.com
廣告經綸 - 文廸晞 舊文
來源 source: http://hk.entertainment.appledaily.com