港股交投突然縮到相當少，800億成交算係重返舊年10至11月水平。波幅收窄同交投減少係短線較利好情況。
繼意大利之後，市場似
靜待美國新增確診宗數幾時到頂，長假期前後可能係打破港股待變局面嘅時刻。睇返2011年歐債危機類似情況下，能彈到20周線水平，但呢一刻20周線26600點實在太遠，就睇下有冇機會接近10周線25400點，至於熊仔重貨區喺25100點，有貨等脫手就不妨一等。歐美經濟勢陷入短期大衰退，假如疫情稍後見到緩和跡象，市場或許炒定經濟重拾舊觀嘅憧憬，但經濟reset所帶嚟嘅痛苦仍需時反映。
歐美以至香港，無論喺政府抑或私人消費層面，一啲非必要產業需求會重新被檢視，整體經濟將面臨大型資源重新分配過程，各國封關時間越長，資源重新分配程度越大，要經濟模式變返以前一模一樣，似乎不可能。
大家可以想像，一場疫情令大家減少外出、消費，令大家發現邊啲係不必要消費，甚至一啲以前覺得必要嘅消費模式，都可能成為非必要。非必要產業喺疫情過後，需求減少，依然會面對行業大萎縮嘅命運，令失業率一段時間保持高企。
新經濟行業必然成為資源獲分配嘅重點，甚至喺陣痛期間已率先跑出，相比低殘奢侈品消費股博反彈，自然係長遠更佳選擇。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.entertainment.appledaily.com