士佳說 - 張士佳 2020年6月15日
【#士佳說 】張士佳：同學生齊炒 與眾同樂
【#士佳說 】張士佳：同學生齊炒 與眾同樂
得心應手 唔好比佢停！上周給大家的主調是周四做淡，因25000樓上等回落做空，納指破萬亦是做淡的因由，回落又不用看得太淡，平對沖，周五趁低買股，這些上星期有寫，但買什麼，在此透露了些，有些技巧唔方便係度講，所以公眾欄，衹能意思意思。與學生一齊炒就放 輕鬆好多，寓工作於娛樂，賞心樂事現披露上周五的行動，一步一腳印，大家可按節奏推敲本周的步伐。
AO買了1211，1772及880，都是趁其落後撈低位，一方面當然由於TESLA，另方面由於賭王仙遊，先前早已在此告之大家，買入了200新濠，但其上衝沾250天線我們走得不錯，所以周五趁低撈入高出250天線的880 澳博，三隻在周五都買到低位，算成功，其後開市不久即按計劃買入493國美，1105星島，3690牛，6820友誼時光與唔覺意爆響口的2013微盟，開市不久，大部份持股都爆上，十點多已到食糊之時，讀者可能話「嘩，咁快收手，升緊喎！」大家可睇番，就係果時見到了，6820，2013都食得好，2013只食了新加的，及後食埋3690牛，再叫大家不要太勇，有食好食，好充實，異動股1105 1.61把握到高位，最高1.63，食正個頂，8083中国有like在此及視頻都有講，只吃了1／4，其後又話變相批股，都係舊日伸手的結果，呢隻及493都續持用，看官可能問，有無咁神？你講咩都得，幾千人睇住，講假一定被踢爆，講真，下面回應有THANK YOU SIR，咁多人睇住，點會做假啊！
又唔好以為我講幾十隻，宜家剩係抽中既出黎講，不好意思，猜錯了，就係講咁多，只有一隻上面未有提，博了9988，係咁多。
入完又走了一些，唔係因此睇好睇淡，只係無辦法賺太遠，中美疫情有第二波，盛傳中美外交高層見面，每件事都可以掀動升跌千點，所以我只是揀食面前速成又安全波幅又大的。
今日開市約跌200點開出，我唔知今日升還是跌，我對港股短線唔係好擔心，既然周五食了咁多，今日我又會趁低入，但就唔敢期望又即升，會揸長少少，像物管板塊，自從我話會批股，在頂部逃脫之後，就鮮有沾手，股價有回，但唔算多，我先前都講發展好，批股是正路，事實上物管亦守得好好，我會吸納一些，近龍頭的雅生活，2669中海物業如升8.26我也會關注，此外，還有一些持股像884，769，3808等等，今日已寫很多，快開市了，明天再跟進吧
士佳說 - 張士佳 舊文
來源 source: http://skycheung.weebly.com