【中環在線】近九成人畀陳健波零分 - 李華華
保險界立法會議員陳健波
因為拋低一句「而家係我嘅收成期呀嘛」、批評示威者破壞自己晚年生活嘅保險界立法會議員陳健波（圖），民間評分較林鄭更「出色」。香港保險仝人職工會於4月喺網上訪問逾2,000名保險業客戶及從業員，結果顯示，以5分為滿分，84
%知道陳健波為現任保險界議員及財委會主席嘅受訪者中，近九成人對佢表現畀0分，滿意度低至0.2分；更有96%受訪者不認同佢嘅「收成期」言論。
過去兩屆立法會選舉，陳健波均以「零票當選」。調查又發現，96%受訪者歡迎有其他參選人競逐下屆立法會保險界議席，主要原因係期望下屆可選出更加代表市民聲音嘅議員（91%）、唔滿意陳健波作為議員嘅表現（87%）同埋希望引入更多競爭及選擇（86%）。華華喺到諗，如果選舉真係反映到民意，波叔嘅「退休期」就可以提早了，認真恭喜。
李華華
mailto:LiWaWa@AppleDaily.com
中環在線 - 李華華 舊文
來源 source: http://s.nextmedia.com