【笑到最後】讓蘋果再次偉大（高明）
高明指，過去傳媒大趨勢是網上訂閱，最近蘋果報紙銷量增加，落報紙廣告一半為支持，另一半真係有生意返，放個page link落去like數都即時增長，讀者、報館、廣告客戶都有受惠，再次重返報紙業務正循環。
高明係《蘋果日報》財經版出身，見到B疉終於再次獨
立成一份，更加高興嘅係，A疉差唔多一半版位係廣告，印象中真係好多年未見過。
比起買股票支持，高明更加覺得《蘋果》有佢再次強大嘅嘅理由。記得舊年有一次同財經組記者一齊去廣州睇商場、做訪問，高明講咗句：企業成功最緊要有無法替代元素，直接嘅體現就係一路鬧、一路要買。講完之後，記者Wendy即刻話「咁《蘋果》咪係囉！」事實上，《蘋果日報》報紙版喺廣告最低潮嘅一段時間入面，一直有忠實Fan屎日日買、日日睇廣告、拎上臉書分享，證明佢嘅屈機位唔弱。
傳媒雖然轉向網上訂閱制，但總係離唔開廣告，始終讀者多，對媒體有感覺，將廣告放入去有助生意。過去講大趨勢係網上訂閱，最近市場反應，報紙銷量增加，落報紙廣告一半為支持，另一半真係有生意返，放個page link落去like數都即時增長，讀者、報館、廣告客戶都有受惠，再次重返報紙業務嘅正循環。
曾幾何時，商科好鍾意吹捧一間公司管理權同擁有權分開，咁就為之有企業管治，而滙控（005）就係最理想嘅機構，甚至連大股東對公司嘅控制權都唔係絕對。過去十年，股票市場反而最欣賞一啲創辦人全情投入企業嘅公司，不合比例咁用資金去支持Elon Musk、Jeff Bezos、Marc Randolph同Reed Hastings、Larry Page同Sergey Brin等等，如果純粹睇股價，創辦人形象越鮮明，公司股價升得越勁。相反，滙豐呢啲搵專業人士掌舵嘅企業，股價已令公司脫離主車群。其實股價只係個結果，更重要係創辦人投入做出成績，自然會吸引投資者。
創辦人黎智英訪問時話問過自己「會唔會唔好參與得太前」，結論係「都係會揀呢條路」，而公司財政都係靠自己。黎生對自己企業嘅投入，比起矽谷嘅創辦人有過之而無不及。
創辦人嘅理念，賦予咗落產品度，對於我呢啲讀者嚟計，出街拎住一份《蘋果日報》，比起訂閱有另一重價值。如果《蘋果日報》透過實體報紙再次成為偉大企業，將會係全世界傳媒業獨一無二嘅生意模式。
高明
https://www.facebook.com/bigricetea/
-----------------------------
【全球樓行】 Dream House零距離
屬於香港人的移民攻略
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：
iOS / Android
笑到最後 - 高明 舊文
來源 source: http://hk.news.appledaily.com