找數
終於，一個中job、一個細job，客戶簽quote、收貨，可以開單。
上星期找了一些數，收到兩個相同又不一樣的反應，截然不同，我都放在心上。
兩個相同的反應是：驚奇。收到票的兩個單位不約而同都表示，「咁快有票收？客剛收貨，你應該未收到錢喎！」
不必太熟知廣告行情的都知，做廣告，
收數唔知點解易有障礙，也有不成文的數期，拖得就拖更不算新聞，貨銀很少兩訖。菜點了，煮好、收貨、吃埋、肥都施埋，隨時天黑都未見客戶找數。都未計中間又改又停又改變主意又唔知自己要乜又要你不停做的勞累。
合作單位對於極快收到數大表錯愕。我說，係未收到個客找數，但時勢不好，我能先埋單，就埋單，你們的工作也完成了，收到回報天公地道。客戶是好客，數期我不擔心。
結果，兩個錯愕單位，一個大歎這意外的「早票」來得正好，他正需要捱過疫荒的子彈，太多無米job和取消的job了。明白，不謝。
另一個，仲正，佢話，票袋住先，堅持唔過數住，唔等錢使，「你收到個客錢話我知我先入票」。
亂世，大家盡力做返個人。
廣告人語 - 畢明 舊文
來源 source: http://www.am730.com.hk