冰說聰明｜趁第四波收集的消費股（青冰）
■互聯網圖片
疫情第四波來襲，防疫措施再次收緊，餐廳在晚上6時後禁堂食，健身中心及美容院等場所再次需要關閉，開嚇又停嚇，對經濟及各行各業再次做成打擊，本來零售業期望聖誕及新年的市道會回勇，睇怕都係好夢成空。疫情轉差自然係炒抗疫股，但現時入場水位未
必多，不如採取逆向思維，搵定一些受災股作收集，等疫情轉好時炒返一轉。
兩個月前寫過必瘦站（1830），皆因老闆在全年業績後，可收取末期息及特別息的金額，最終選擇要股不要錢，從而變相增持1億股，換股價係2.49元，其後觸發一個小升浪，上月底更高見3.7元，老闆增持後輕鬆賺近5成。公司在上周公佈中期業績，受疫情打擊收入大減28%，盈利亦下降44%，雖然係咁，但公司仍然保持近年的優良傳統，派息比率再次高過100%，每股中期息0.13元，並於下周一除淨。
近期政府兩度收緊防疫措施，仲要暫時關閉美容院，必瘦站股價應聲下挫，青冰細看佢份業績，上半年收入下跌28%，主要受累於香港業務，其他地區只係微跌7%，收入佔比更升至36%，所謂其他地區，就是指國內、澳門及澳洲業務，公司亦於業績內漏口風，指中期業績後的雙十一銷售，按年急增47%。旅遊限制令國內居民未能遠遊，去唔到日韓做醫療美容，轉而在國內做多幾次，都好合情理啫，11月佢哋喺上海嘅旗艦店亦正式開幕，可謂食正條水，變身成為內地消費股。
現時股價因第四波而調整，戰友可能會嫌未跌夠，但考慮到內地業務的強勁增長，相信再下跌空間有限，別忘記公司派息的作風係盡派或派凸，現時股息率有逾十厘，即使來年要打個八折，仍是一隻防守力極高的內地消費概念股。
青冰
Fb個人專頁 http://www.fb.com/chingbing888
-----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
冰說聰明 - 青冰 舊文
來源 source: http://hk.news.appledaily.com