士佳說 - 張士佳 2020年12月29日
【#士佳說 】張士佳：幾個板塊得
【#士佳說 】張士佳：幾個板塊得
如果閣下仍係ATMXJ為主，昨日不是好日子，阿里拖低其他科技股，ATM都創出數月來的新低，科技指數重挫逾4%，市場資金選擇了近期最強勢的光伏及車股。如果問我點睇，睇我尋日同學生分享的行動，就略知一二。
昨日開波無耐，我見港交所及小米升升下無力，食一半，跟住見中國神車#305升幅太勁食1/3，轉買升幅較理性的吉利#175及升幅較穩定的紫金#2899，港交所及小米屬重注，所以上半日沽比略比揸多。
#305稍回落後破2.83頂，我再上神車，尋日都同大家講估值仍平，所以再同佢癲過，結果一日升近四成，嚇死人。按照目前的市場表現，半年有望銷售十萬輛以上，雖然車仔便宜，但這是有錢賺的廣告，100億都唔洗的市值唔算貴，再加上佢係零部份銷售為主，內地零部份出口連創三月新高，11月環比增7.8%，所以#305才升得咁跨，當然升到咁，係跨得滯，加上昨日係裂口，所以我第一浸都食先，但後來升勢擋唔住，反正食了#388 & #1810一半咁多，就閉上眼，同佢死過。唔好問我睇幾多，見頂未，我識睇就唔會走完入番喇，等神車引領吧。
#305帶動，其他車零件就易睇，#1316耐世特帶番上黎，#425，#822都被叫醒，#1571蠢蠢欲動，汽車零件應頗為堅挺，昨晚美股當炒股像雲計算，中概股（像WB）都跌得慘慘，今日應該好多股都受累，汽車零件特別最大的幾隻，可能可以候大市拖低吸納。
除了汽車及汽車零件，仲有兩個板塊可留意，第一個係新能源汽車相關的原材料，提過的#1772 & #3993我得番半，但一半當日都升好多，仲有冷凍劑#189又係升到火箭，先前提左大家，到尋晚美股當炒股普遍大跌，LIT ETF都企穩，所以此板塊資金仍戀棧。算，全部走半，細注坐長算了。
另外，航運股在給力，大家自己做做功課，就知邊隻當炒，年初航運淡季，應炒埋呢浸就收爐。
最後提一提，我的淡倉XPEV昨晚跌得勁，我食了，等跌定反彈會上番車，小鵬技術不是不好，我沽空係由於佢太好，亦太識做宣傳，炒到70幾蚊，太多人放焦點落去，仲突然出上昇裂口大洋燭，我放膽沽佢，斷斷續續跌到＄38，跌了近5成，我收手了，咦，睇番個$74果後咁似#305既，尋日又係出上昇裂口大洋燭，今日都係小心D先。
士佳說 - 張士佳 舊文
來源 source: http://skycheung.weebly.com