操盤手札記 - 割柑人 2020年12月28日
操盤手劄記｜恐怖的網遊世界（割柑人）
12月16日傍晚，上海，林奇離開公司回家，途中突然劇痛，隨即趕去醫院，呼吸心跳一度停止而需搶救。當晚轉到公立三甲醫院，翌日腦幹死亡。林出事前食過藍莓，疑含河豚毒素。12月17日，警方接報調查，其後林同事許垚涉嫌犯案被拘。12月25日，林逝世，年僅39歲。
林奇是誰？內地上市公司遊族網絡（深：002174）董事長兼CEO，持股23.99%，身家68億人民幣；許垚呢？原為遊族董事，被任命為旗下三體宇宙CEO，兩人同齡。遊族係網絡遊戲商，擁有科幻小說《三體》版權，9月時，許牽線夥拍Netflix拍劇。據講，許因不滿調職減薪而落毒。
現實世界嘅權鬥，仿如電影橋段。對投資界嚟講，呢單案更涉及公司訊息披露有冇違規。話說17日報警懷疑中毒，23日公司公告卻有隱瞞之嫌。法律界指，訊息披露有冇違規，關鍵係林身體狀況，腦死係咪屬實，若如公告所言「身體狀況穩定並在持續好轉」，就不涉違規。
本來科網企業喺反壟斷風口下，網遊係產品唔係平台影響唔大，但遊族因呢單案，17日迄今累跌22.9%，相對風眼中嘅阿里巴巴（9988）同期跌16.3%，有網遊業務嘅騰訊（700）同期跌9.2%，遊族更傷。不過，國策唔係顧念網遊，前年就曾凍結版號審批9個月，騰訊頓失金蛋。
周一，港股牛皮偏軟，跌0.3%，後市主要睇疫情同國策；科網股則腥風血雨，ATM分別挫8%、6.7%、6.9%，規管措施未盡出，ATM未宜撈底。中央經濟工作會議列八大任務，包括：強化國家戰略科技力量、強化反壟斷。《人民日報》解畫，反壟斷並不意味對平台經濟支持有變。嗯，國策係好奇妙嘅，尤其喺中國。
割柑人
-----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
操盤手札記 - 割柑人 舊文
來源 source: http://hk.news.appledaily.com