士佳說 - 張士佳 2022年1月10日
【#士佳說 】張士佳：權衡代價
【#士佳說 】張士佳：權衡代價
上週五個市峰迴路轉，ATM帶領科指反彈，阿里#9988就繼續充當了反彈的先鋒，尾市挾升4百幾點，全日高位收市，夜期仲一度挾過去23646。
個市系2022年開始的一星期就Chok 上 Chok落，究竟點睇點睇，我在Sun Channel 講大底已差不多，等恐慌時不妨入市，但如果萬一冇恐慌呢？乾等咪錯過大底，如果多啲向上嘅瞄頭，我情願到時買錯咗止蝕，都唔情願在底冇買，兩者的opportunitycost 不同；做法有兩個：星期五升得咁多，今日回調好正常，但如果期指反而陽燭收穿23623(暫時本年最高），可以買返一注先，回一回再升又買多注，博佢見咗底，但指數在底部唔易估，如果冇乜信心，就可以買些先前強勢股，反正最近回落了咁多，但唔似炒完，嗰日做節目都講左大部份今年要注意的板塊互換，大家可以去睇返，但時間所限，關於今年仲要注意的舊經濟未講得晒...
疫情又來勢凶凶，差不多香港各區都有強制圍封及大型檢測，國內亦嚴陣以待，對電商外賣ATMJ都有一定刺激，所以借疫情有所反彈。但要穩經濟還是需要舊經濟，星期五着力點還是以舊經濟爲主。
基石就是房地產，中央要力穩內房，不許炒泡沫爆破，亦要不溫不火地增長，據資料，目前銀行已告知一些大型優質國房企，容許承債式收購，相關併購貸款不再計入“三條紅線”相關指標。對財政實力較強的內房直接受惠，中海外#688破52週新高，華潤置地#1109，以及一些二線內房金茂#817都睇好，仲有宏洋#081、遠洋集團#3377，綠城中國#3900都吾差，其實這些內房企都有同比銷售額做好的支持，現在實際政策配合財力及業績，效果就出來了，值得做功課。物管方面，筆者就比較留意保利物業#6049，系國內質素最好的，也是北水最愛。
穩內房而抽升，穩經濟市場會聯動到其他基礎建設，國內投放投資額已超3萬億元，大攪基建。據資料，2022年上海五個新城重大項目已經集中開工。基建水泥建材工程機械都隨之炒起；如中國鐵建#1186、中國交通建設#1800等，中國建材#3323、華潤水泥#1313，中聯重科#1157基至中國龍工#3339，但並不是叫大家去追，只是一個現象。還是選擇穩中求勝的建築股中國建築#3311，再跟進一下#9979綠城管理，已升去前頂阻力位而回落，待升穿企穩再關注。另外一些扒冷公路股，#995安徽皖通高速公路，#107四川成渝高速公路都在走趨勢。
仲有一隻中國聯塑#2128，近幾日都有綠bar升得幾好，因為中央指出：必須把管道改造和建設作爲重要的一項基礎設施工程。管道網行業龍頭是中國聯塑，受益最大。但都已經炒到250天，等回落再二次升穿250天先真正再炒吧。
人行貨幣政策傾向寬鬆，舊年下半年已經兩度降準，今年仍是有預期的；市場估計系過年前後，反正應該是第一季，跟據圖表來觀察吧。內銀主要是招商銀行#3968，郵儲銀行#1658創歷史新高，熱門嘅建行#939，工行#1398都好似慢慢行要耐心，但要留意銀行股今個星期有業績出，炒高左就要識得食。
炒內銀自然會留意內險，中國平安#2318已經低迷左成年，當舊經濟基本面稍微好轉，股價就很容易被發掘跟進上去。中國平安已經四日連升，向上要睇64蚊阻力如何了。
其實中央銀根政策放寬意向都是在支援的中小企業，尤其是高端工業科技股是今年焦點所在，因經營環境確有所改善。例如舜宇#2382、高位電子#1415丶信利國際#732等，雖然受到12月營業額回落而影響股價，但相信這跌下來還是機會大啲。另一隻工業股安捷利實業#1639，主要業務是PBC，柔性電路板和柔性封裝基板，供給A股歌爾股份作元宇宙市場發展，VR/AR出貨量快速提升，據悉，歌爾是安捷利第二大股東，雙方採購上半年達4600萬元，前景看高一線，星期五gap up今日再跟進。
仲有＃857， 星期五一枝獨秀，呢隻股以往升親去藍呎都回落，舊年二月以後，來個逆轉，三次跌落綠尺（老學生應該知係乜），繼後都破頂，唔知今次會唔會例外？
講咗咁多股，大家自己做下功課，唔驚買完坐艇嘅不妨買下，驚嘅咪買少啲囉，個市舊年跌成咁，會唔會一下子否極泰來，冇人知，真係擔心嘅，睇多幾日囉，近來嘅升勢，都係10日貨仔左右，真係能夠突破嘅，咪瞌埋眼關注一下囉。
士佳說 - 張士佳 舊文
本文作轉載及備份之用 來源 source: http://skycheung.weebly.com