士佳說 - 張士佳 2022年1月31日
【#士佳說 】張士佳：港股虎進金來
【#士佳說 】張士佳：港股虎進金來
今日得半日市，星期五升升跌跌變化唔大，都離唔開我上日果篇「鏡」，放大鏡望遠鏡，未睇嘅可以睇吓，睇咗嘅不妨睇多次，今日我有編輯咗少少，（）括號是打錯字今天編輯的。
／／尋日我用竉辱不驚來形容現在對待港股應有的心態，簡單D講就係平常心面對現階段的急升驟跌，港股已經跌至超值水平，但昔日強勢的美股卻方才高飛曲墜，加上中國傳統的年尾找數效應，所以港股就像被人浸的小孩，剛努力掙扎冒出頭來，就給人一把推翻落去，但底氣已近，不要對急升驟跌太在意，不要用放大鏡睇市，不要受短期氣氛所蒙敝；正如昨日下午三點多，有學生问我應否追沽，我就以「唔係啩」作簽（答），我點睇？好清楚。
今日我做得最明顯嘅動作係叫沽美股買港股，港股雖然都跌，但同美股嘅跌，就差太遠，就以尋晚Tesla為例，雖然盈利破頂，但話今年冇新車款面世，股價勁跌11%，拖住美股其後又倒跌。
現在要做的係控制注碼，深呼吸，唔好你357日嘅走勢，唔好揸住放大鏡做人，係先望望倒後鏡，望實過往嘅走勢，去聯想大戶整個部署，然後深呼吸，用望遠鏡去睇將來的挑戰，再用投影鏡去投射將能受惠的股票。
機會係跌出來的，現在唔知道係咪最低，但相較過去一定係低咗好多，而powell已經一改他之前鴿派作風，話不排除在每次議息會議上都會加息並加緊收水力度，打破以往漸進式加息節奏，呢一點好明確，投資最忌不確定性，所以議息之前，美股已經係咁跌，反而佢講完，都係跌，但冇咁誇張，所以短期唔似再有大跌，咁樣正好比浸親嘅小孩，喘息嘅機會，而另一方面，聯儲局前所未有的鷹派立場，可以講，美股短期冇運行，逢彈都衰收尾，近年加息科技股就跌，最近基金經理紛紛轉投傳統股，一味向平去睇，而港股2021全球最廢，有乜嘢平得過港股，所以就話要轉美股去港股，如果更加識玩嘅，應該知道係沽空美股去入港股（呢個高技巧啲，第日再講，唉，講兩句概念啦，技巧好難喺度講，Tesla 兩年前嘅今日起計，最高升咗10倍，咁大隻野，升兩年升10倍，過晒火位啦，但係點知佢係升八倍啊定15倍先呢，呢個你唔知我唔知，鋼鐵俠知，一陣間又話交稅一陣間又喺聽從民意，整色整水，我上堂有教過一招，股王下跌要走人，呢隻股要點做，好清楚，把握每個反彈沽空訊號，做嘢啦）。
用望遠鏡去睇，好清楚，前面一定係通脹，一定係加息，有些股必然受惠，又有啲國策股會從推倒重來中受益，做多啲功課，睇吓係邊啲，就好似美國加息，銀行股跌市中盡顯強勢本色，匯豐#005仲有得升，中銀香港#2388見一年高位；又例如尋日講過從民企收購大量土地後興建物業，國企內房旗下物管股華潤萬象#1209因而受惠，都能扛住下跌，如果能夠從咁艱難嘅環境之下都能夠破頂，咪特別關注囉，唔止得呢啲，你哋做吓功課先啦，依家有時間，呢兩日仲係找數期，等北水返嚟見真章。／／
疫情遲遲未退，港股又跌足成年的牛年即將過去，踏入虎年，首先要知道環球市場大前題應當怎樣，事至不懼，慢慢做好，有長遠目標是成功條件之一。
大前提是美國加緊收水，提速加息，治惡通脹為首要，好多個股都不斷先高後低，美股疲態畢現。不過，既然美國已擺明車馬加息，市場已經清晰明確，不會再亂估，跌幅開始緩和。周五AAPL 同 Tesla 就系低位反彈，帶動道指同納也有反彈，但都只是超跌反彈，逢高都係沽。
現在港股也跌到關鍵位置，望今日牛年最後一個交易日，承美股反彈可以高收番少少。就算未能高收都應該從容對待，因為港股已經跌至超值水平，我哋睇既系中長線，至少等初七北水回來見真章再算。還記得一月初元旦後北水回朝時，系低位23000附近出現的5連陽燭都唔嘢少，啓現市場大戶都在越平越買，越買越舊。
原因是已經提過中國放水谷經濟，降準減息，減稅降費，放鬆銀根紓緩內房流動性問題，同時亦再加大基建，創科，數字經濟等投資，用望遠鏡去睇來年亦會持續。故投射出另一大前提是市場是傾向估值復修的傳統個股板塊，如金融銀內險供用事務舊經濟，地產股份及資源板塊。
國際市場油價接連上揚，創7年新高。國內容許按照現行成品油價格形成機制，週末起，國內汽、柴油價格每噸分別提高310元人民幣和300元。注意中石油、中石化、中海油三大公司，連帶一衆資源股都會受惠。
機會係跌出來的，港交所#388週五遭大行下調評級及目標價而大跌，但週末中央發表聲明，會穩步推進與港澳金融市場互聯互通和大力提升跨境金融服務貿易水平，還有好多優質IPO，中概股回歸，及SPAC概念陸續上市，如Tiger Jade Acquisition虎玉收購公司已提交申請，申請以SPAC身份在香港上市。 當假期後北水回來，成交又有望加大，刺激港交所回升，所以現在龍頭實力股，都係越買越平越值博。
加息市場對高估值的納指科技股、環球電動車及昂貴的新能源板塊，進行殺估值，但要留意一點中資中概股及中資科技股的估值已在較早前率先跌至低殘，再大啲嘅空間實在唔多。週末有報道TikTok打敗Facebook成美國Z世代最常用社交平台，似乎估值在互換。
中國傳統的年尾找數效應，使中港兩地股市由高位回落成千幾點，但睇真啲自2022開年，環球股市開始大調整之際，港股剛開始逆勢而上，外圍氣氛咁差，港股仍未破底。所以我話底氣已近，不要對急升驟跌太在意，不要用放大鏡睇市，不要受短期氣氛所蒙敝。
中證監及官媒力挺A股，決心護航，虎年不離政策市，要留意中央要穩經濟的政策出招時機，同時要給市場時間去蓄勢重整。堅定又從容地去迎接新年後的投資機會，才能長遠至勝。
虎年將至，預祝各位龍精虎猛！身體健康！
虎虎生威，來年投資如虎添翼！心想事成！
士佳說 - 張士佳 舊文
本文作轉載及備份之用 來源 source: http://skycheung.weebly.com