全職炒家│市況難測 不要FOMO（紅磡索螺絲）
全職炒家│市況難測 不要FOMO（紅磡索螺絲）
錯過機會總好過亂入市，這頭止損，那頭買返，短短幾日就輸不少金錢。
之前文章經常分享投資需要認識自己，以不同性格去選擇策略，因為人人長短處都不同。之前分享如何面對氾濫資訊去分辨真專家，今
個星期想分享下fear of missing out（FOMO）。
最近納指出現死亡交叉訊號，市場都有唔少分析評論，解釋點解美股危險。我近期減少操作，主要源自於美股。先講咗結論先，基本上我對美股同之前看法一樣，首先係有烏克蘭俄羅斯事件，二有講笑話聯儲局宜家係mirror組合，輪流一人講幾句，市場聽完又無限解讀，一時話鷹，一時話鴿，然後個股市就玩過山車。我成日都強調，投資或者投機唔需要太複雜，只要重複做啱的事情便可。
寧願錯失機會 勿亂入市
呢樣其實係巴菲特成日講嘅「雪球理論」，Life is like a snowball. The important thing is finding wet snow and a really long hill。「人生就像滾雪球，你只要找到濕的雪，和很長的坡道，雪球就會越滾越大。」但面對咁嘅市，犯錯係好容易嘅一件事，有時可能一個導彈，又時候又可能係假消息，又或者一句講大咗嘅說話，令到個市場震一震，就隊錯曬啲止損位，咁打唔打靶好呢？為咗減少自己犯錯，我唯有減少操作，亦將入市價壓低啲，就算輸，我都輸少啲。雖然有時會錯過不少機會，但正如我近期成日講唔好fear of missing out。忍，錯過機會總好過亂入市，這頭止損，那頭買返，短短幾日就輸不少金錢，我自己成日記住，金融市場金錢就是生命，如果你把金錢全部用曬，等於打遊戲俾人射死，被抬出場便game over。
紅磡索螺絲
80後財務自由全職炒家
fb︰https://www.facebook.com/80hhslc
YouTube︰https://www.youtube.com/channel/UCxgro_A0DhEd_qXb-4_k_gA
本欄逢周三刊出
全職炒家 - 紅磡索螺絲 舊文
本文作轉載及備份之用 來源 source: http://hk.finance.yahoo.com