士佳說 - 張士佳 2022年3月1日

士佳說 - 張士佳 2022年3月1日


【#士佳說 】張士佳：香港人，頂硬上
【#士佳說 】張士佳：香港人，頂硬上


尋日講談判多數係有啲嘢傾得成但又搞唔掂，結果就真係咁，大家都有啲妥協，但又未搞掂擇日再談，市場就當稍好嘅消息來看待，但係其實變數甚多，好多時最後都傾唔掂，尤其比人睇到你願意傾，另一方面又會再施壓，所以唔容易傾。

俄烏抖抖氣。香港市民卻自顧不暇，幾萬宗確診，有病自我隔離，未病的忙於撲藥樸糧食，香港經濟進入半停頓狀態，暫對股市的升跌興趣度不大，人之常情。

在戰爭政治市下，全球股市慘淡被沽售，港股亦難獨善其身。港股開高開低都會被隔晚俄烏戰情及美股表現而影響，港股昨日開市後再穿底，最低見過22335又創今年新低，下午消息俄羅斯可開會談判，又回升幾百點，但去到22700就回頭，就係咁在低位來回穿梭，受外圍消息左右市場發展。

尋日升得靚既有航運板塊，眾所周知，黑海航運因為戰事幾乎陷入停頓狀態，全球集運供應鏈不能暢順運作，又求過於供，航運股乘機落鑊，東方海外#316破頂、太平洋航運#2343有靚業績支持、中遠海控#1919、中遠海能#1138等在戰事冇進一步消息請都應該可以維持趨勢。

煤炭作爲主能源依舊有很強的競爭力，但上星期五跌幅較大，消息提到了發改委壓煤價，於區間370-570元/噸之內，區間最高之前是700，現在變成了500多，降幅都幾勁，如果係壞消息底下都仍然能夠升穿之前阻力位，會有興趣買番，主要都係龍頭兩隻。

國際制裁俄羅斯電解鋁出口受阻，我俄鋁失手，但可能造成歐洲部分下游企業被迫轉向中國進行電解鋁或鋁加工品採購，也將利好國內電解鋁消費。此刻鋁同有色金屬相對比較好炒作，縱使指數不穩，中國鋁業#2600、中國宏橋#1378 持續慢升，轉番去中鋁會盡量揸長點時間。跟進埋南方錳業#1091昨日回升近8%，只要市況好轉，應加速向上。

另外，之前舊經濟的強股如本地銀行金融，內銀內險等，跌咗落嚟都似是調整爲主。環球加息大前提底下，又適逢兩會在即政策出台鼓勵經濟，觀察到中國平安#2318跌返去接近紫色線附近，若出撈底訊號會買少少博支持位，而中銀香港#2388同樣在觀察之列。

接下來，市場關注的焦點當然是俄羅斯和烏克蘭的會談結果。而港股受外圍影響走勢固然係差，衣家市民最驚就係封城禁足，令香港經濟雪上加霜，飲食零售業首當其衝停業執笠，深感無奈但又無須將悲情放大，機會係跌出來，每一次香港經濟大反彈都係由極差環境下諦造出來，而每一次都唔係靠人，靠嘅都係香港人，每一次都係鬼叫你窮呀頂硬上，呢個心態捱返嚟，只要力保健康，堅持信念，捱得過，總會好下來。

​
士佳說 - 張士佳 舊文

本文作轉載及備份之用 來源 source: http://skycheung.weebly.com