士佳說 - 張士佳 2022年3月29日
【#士佳說 】張士佳：心魔
【#士佳說 】張士佳：心魔
尋日指數冇理美國制裁中國通訊的消息下，再反彈200幾點，整日指數走勢算得上強韌有餘，市靚但個股卻升得吾係幾全面，主要是靠升過最多15%的美團#3690帶起指數，超過一半股份是逆市下跌的。實際上大市chok上chok落，22000前都吾易過，會等陽穿22399，先會補番啲貨，不過可能要等期結後先見真章，現時波幅逐步收窄中未有方向，未敢積極入市住。
現時波幅大上落市，方向唔清晰，買賣都要保守啲，通常保守啲我係做到最短或最長，短嘅一日甚至幾個鐘，好似業績前沽美團，沽完即日食，業績都唔等，好處係食完乾手淨腳，連過市風險都唔冒。長嘅就打算持有幾個月，一切理想嘅話，甚至渣幾年，好處係睇住大勢，短期上上落落當係噪音，話之佢，短期走位，但一有機會就再加注上車，方向只有一個，向上望。
肥料股就在其中，俄出兵在2月24號，#1866升了三成幾，我三月中旬曾經大膽講過當佢 #1735咁炒，點知講完遇著大市下跌，佢都跌但無其他咁跨，當你成萬億市值的美團都幾跌四成，佢幾十億市值跌得拾幾巴仙，算係咁，三日前創十幾年新高，絕對係奇葩。呢隻野昨日升得咁跨，我都忍唔住食半，但大勢已成，回落都係長線之選，唯一缺點係市值太細，想揀化肥就不妨睇下#MOS，升得更穩更誇，呢兩隻我都曾經喺本欄提及過，我兩隻都有，一句講曬，#1866走位可以，#MOS大勢已成。
知道一定有朋友比個市跌到冇晒Conviction，一跌就走咗，而家係升返唔少，但對有些股長線而言，只係落完上返啲嗻，噉究竟啲大投資者對乜嘢有部署吖，化繁為簡，你睇下近日乜野創52周新高就知。當中蘊含四個資訊，①係中型股入邊，有波幅市值又幾十億以上嘅，得9隻創52週新高，少之又少，可想而知而家，長線係冇乜嘢買；②我尋日講油股就唔買港股，港股就情願買煤股，你睇創新高九隻裏邊，煤股佔4隻；③得一隻內房一線地産創新高，大家可以recall一下我在剛過去的Sun channel特別講邊一隻；④張士佳只係人，久不久都有心魔，得嗰九隻，應該好好持有，尋日 #1866都走去走位，懶叻走嚟走去，老散心態。
士佳說 - 張士佳 舊文
本文作轉載及備份之用 來源 source: http://skycheung.weebly.com