士佳說 - 張士佳 2022年4月28日
【#士佳說 】張士佳：大時代
【#士佳說 】張士佳：大時代
容我寫市前，先向曾江先生致敬，一直係曾先生的粉絲，佢係第一代阿飛，我記得有部粵語唱片，係曾江朱江主演，前邪後正派，最後曾為救朱被捅死（遺憾唔記得片名），在粵語片來說，很不錯，其他家傳戶曉嘅黃藥師，同叔唔多講，大時代入面的龍成邦探長，簡直係一絕，當初佢有權有勢吩咐手下捉丁蟹一幕，我歷歷在目，「佢有少少反抗，同我啪咗佢」，戲味十足，你睇附圖，都感受到嗰份氣焰喇，大家有機會不妨睇返，人生在世，過眼雲煙，但能令世人懷念，唔係一般人可以做到。龍探長！你做到了，一路好走！
我記得日前道指大跌千點，港股夜期只跟隨一小截，所以昨日我話理應反彈，跟住我見到每朝未開市前學生的投票，七成過外，知道陽燭上升机會極高，我尋日話左比大家聽我先前196xx/197xx/198xx都有買，由於美股大跌尋日返嚟得196xx，有跟進的粉絲應該賺得不錯，投票lego準繩度頗高，係我們学生投票的福利。
中央維穩訊息不絕，整日全靠上證A股大反彈，迎接國消費卷隆重出台。為刺激消費支出而向個人發放優惠券。深圳消費券通過美團京東來派消費券，金額有五億元，給1283萬人口，平均分每人得幾十蚊，要通過平台開搶。金額實在唔多，但擺明美團京東受惠。前日買美團，撈底＃1119創夢天地，總算無買錯，如尋日無開餐，今日食埋佢。
黃金週前後撐市，習主席強調大搞基建，先前我話＃390中鉄穩陣，一跌完，昨日先破頂創過52周新高，再升假期前會食半留半。中國建築國際3311低位弹5%，#830中國建築興業仲靚，近日盡顯抗跌力；到了要留意內房水泥的時候，#688中海外低位補回了。留意全國基建產業鏈交通、能源、水利等互相輪動。
俄羅斯又再反擊。直接切停保加利亞和波蘭的天然氣供給，話停就停，嚇得歐洲天然氣期貨價格大升17%。立即轉向煤炭替代，留意美煤股AMR, ARCH尼兩日升得非常誇張，港煤股，先前話避開中國限煤價的幾間大煤企業，尋日都有反彈，但就吾夠主力兗煤澳大利亞#3668升得靚，國際煤價都咁爆，等下有冇失驚無神爆升幾下。而較細價的Mongol Mining#975，伊泰煤炭#3948都一樣，先前提過唔知大家買咗未，未買就等出多兩支靚仔洋燭博破頂。資源股油股抖一抖又翻身，中國海洋石油#883順勢升7%，值得昅昅。
今日起無北水，不過中央的刺激經濟手段未停，仍會大派續命丹，之前一直有跟部署應唔難捉中出遊消費基建等相關板塊，如果升得再多，會再食多啲，部份換去之前回得較深的板塊如內房，及等XX板塊成型，明天我做Sun Channel會講這個大時代，散戶應如何自處，不容錯過。
士佳說 - 張士佳 舊文
本文作轉載及備份之用 來源 source: http://skycheung.weebly.com