【天下第一倉】高山行：有貨再加 冇貨速速揸
天下第一倉
日期：2022-08-24
更新時間：05:53:05
7月底提及的捷心隆(02115.HK) ，正默默按路線圖行走，不過大爆發期仍係等緊你，連環加碼盈喜係爆點，趁周一宣布強勁中績前，仍係切入佳時，預期PE只兩倍幾，又由谷
底上抽輕創52周新高，咁正股仔仲可以邊度搵？ 上左車可以加，未上就速速快D揸！連環盈喜係重心所在，首先在7月初預料，截至今年5月底止首5個月純利將達到約2,260萬元人民幣，較去年6月30日止6個月純利高出約133.7%，意即上半年盈利料為3,500萬元左右。之不過，上周又再補發新盈喜，預計上半年純利同比大增270至300%，以此推算，意即中期純利高達6,250至6,760萬元，亦較2021年全年純利3,463萬元高出九成幾，折合PE只兩倍幾！盈利狂增主要由於半導體行業為應對全球半導體短缺而增加投資，帶動集團無塵室產品的需求大幅增加！
再睇基本資料，2115在2020年底上市，一上就大炒特炒，先抽破2元，之後步入反覆，在去年初更抽升至2.16元歷史高位，之後就在某日失驚無神大瀉九成，從此墮入深淵，現位0.244元，認真係老友價，大有一去不返之意。
2115主業簡簡單單，主事提供無塵室產品及服務，包括以「捷能」品牌從事製造及銷售無塵室牆壁及天花板系統；及以「MICRON」品牌製銷無塵室設備，產線則在內地及馬來西亞，業績更加唔錯，毛利率高達35.6%，尤其呢兩年，先在去年錄營業額2.68億元人民幣(下同)，按年升31.4%。純利達3,463萬元，按年大升229.1%；每股盈利2.47分，仲派末期息0.67港仙，2020年同期派0.36港仙。
所以話今勻稍稍搵個理由已可重上上市價0.36元，屆時折合市盈率仍只係3倍幾，所以咪話有貨要再加，冇貨就快揸！
高山行
天下第一倉 - 高山行 舊文
本文作轉載及備份之用 來源 source: http://hksmedia.com