中環在線：文華旺過旺角 - 李華華
過去幾日灣仔會展附近酒店同中環文華酒店都好好生意，事關蘇富比同內地最大拍賣行中國嘉德齊齊舉行拍賣會，吸引大量買家來港，君悅同文華一間普通房?房租去到4000蚊樓上一晚，比淡季升十幾個巴仙，仲未計佢?留港其他消費，真係唔可以睇小一個拍賣會對香港經濟?推動力。
呢輪拍賣會之所以惹人關注，原因係首次有中國拍賣行?海外獨立舉行拍賣會。中國嘉德1993年成立，全球排名第四，董事總裁王雁南係已故中共前總書記趙紫陽個女，背景唔簡單。
嘉德豪氣包房百間
嘉德周日?文華舉行拍賣會，現場所見有過百人參與，人頭湧湧逼到爆，唔講仲以為係旺角派米，聽聞嘉德為買家?文華預訂100間房，佔總房數四分一，文華認真要多謝佢。
翻查資料，文華酒店同拍賣會好有淵源。有268年歷史?蘇富比1973年已經來港設立蘇富比辦事處，亞洲第一場拍賣會正正就係?文華酒店舉行，自此奠定香港業務根基。嘉德揀文華做首場拍賣會，唔知係咪參照呢段歷史，亦都想嘉德將來發展到好似蘇富比一樣呢？
嘉德今次在港小試牛刀，319件中國書畫同39件古董家具以4.55億成交，係估價?2.5倍，成績相當理想，嘉德亦已計劃每年定期來港舉行春秋兩季拍賣會。
春秋二拍消費強勁
照咁睇，港人以後除?要關注「五一」同「十一」黃金周，內地旅客來港消費情況，更要留意呢類拍賣會，事關來港參與拍賣?買家先係真正高消費人士呀。
mailto:LiWaWa@AppleDaily.com
上一則: 券商料換屆難大振經濟
下一則: 中環在線：麥兜聾貓任你踩 - 李華華
中環在線 - 李華華 舊文