中環在線 - 李華華 2012年12月24日
中環在線：周大福等巨鑽沖喜 - 李華華
世界末日未到，今日平安夜，大家可以繼續玩餐飽、食餐勁，或者安靜咁過，最緊要係港股得半日市，股民可以hea嚇。對於舊年12月抽中?周大福(1929)新股?股民來講，雖然隻股仲潛緊水，但周大福計劃將手上粒100卡巨鑽申請入健力士，話唔定有沖喜作用，不過就要等嚇囉。
點樣切最靚師傅頭痕
周大福2010年初以2.75億天價投得507卡南非鑽胚，2013年都就快到，粒巨鑽仲?非洲。周大福董事總經理黃紹基(基哥)都知道大家好想一睹巨鑽真身，其實粒鑽已經完成初步切割，一共切割成一組24粒?鑽石，最大?粒圓石重達100卡，叫做「庫里南遺產I號」。
咁耐都未??巨鑽出來曬，基哥解釋，主要係計劃將「庫里南遺產I號」申請入健力士紀錄，希望成為全球最大粒圓型巨鑽，家仲研究緊點樣先可以切到最靚?折射角度，負責?切割師傅度到頭都痕。咁即係幾時運來香港呢？基哥就話，起碼要到明年尾先有得諗喎。
基哥又賣花讚花香，指自己做?三十幾年珠寶業，從未見過咁靚?鑽胚，出產礦區同英女皇皇冠與權杖上面粒非洲之星I、II號屬於同一個家族，齋講呢個古仔都有排講，所以周大福絕對唔急於賣呢批鑽石，話唔定留作鎮店之寶。照咁睇，股東真係有排等呀。
李華華
mailto:LiWaWa@AppleDaily.com
上一則: 捲入買平保股份肖建華否認
下一則: 中環在線：瓦努阿圖陸叔搵過食?地方 - 李華華
中環在線 - 李華華 舊文