中環在線：財爺有句口頭禪四個字：毫不猶豫 - 李華華
財爺曾俊華上周五失驚無神出招，狂加印花稅企圖調控樓市，呢招幫唔幫到真正想置業?市民上車仲要拭目以待，但大家有冇發現，財爺有四個字經常掛?嘴邊，幾乎講親樓市都一定會講，呢四個字就係：「毫不猶豫」。
金融海嘯後，財爺不時話毫不猶豫推出紓困措施，期後美國量寬同強國人資金湧入，令樓市急速反彈，財爺改口話毫不猶豫推出遏抑樓市措施，可惜出乜招都冇效，市場盤源只有越來越少，樓價升極都有。
身邊唔少朋友以為樓市見頂，近年高價沽?手上唯一自住單位，走去租樓住，諗住等個市跌，就低價買返個單位。點知高處未算高，先前沽??單位，價格一路升緊，已經聞者傷心。想話等個市跌，個市又唔跌，樓價升到根本買唔番咁上下大細?單位。呢邊業主又話打算加租，仲唔係見者流淚？！
毫不猶豫減稅？
𠵱家一個幾百呎單位閒閒?要四、五百萬，政府出招前，印花稅都要十幾廿萬，對小市民來講，唔算細數目。稅項倍增，如有樓?手，真係唔會亂咁買多個單位，投資者亦識計數，睇定?先。照咁睇，樓市短期呈膠著狀態居多，樓價幾時大跌？等下個月長和業績記者會時問誠哥吧！既然樓市走勢難料，財爺不如毫不猶豫減稅、退稅或者提高免稅額，令市民即時受惠仲好啦，周三等你好消息。
李華華
mailto:LiWaWa@AppleDaily.com
上一則: 內地擬推「綠色保險」
下一則: 中環在線：吳光正叻仔渣馬?獎 - 李華華
中環在線 - 李華華 舊文