中環在線：阿仔暫專注會德豐吳光正冇諗退休 - 李華華
■李潤芳攝
九倉(004)主席吳光正噚日出席股東會後心情勁靚，唔單止有問必答，仲主動真情剖白，話舊年?歐洲滑雪跌斷七條肋骨，要休息一個月，點知塞翁失馬，焉知非福，多得班同事努力，九倉跟同系會德豐(020)舊年業績竟然破曬紀錄。佢咁講，莫非暗示公司冇?佢都得？
讚宗權夠班做董事
首富李嘉誠每年好似春秋二祭咁，?兩次業績會見傳媒，長和股東會後見多次，可惜今年取消?。吳光正仲巴閉，每年通常只係?九倉股東會後先至見傳媒，有?就要留?股東會度問。
佢位公子吳宗權下月正式升任會德豐董事，講明係準備接班，吳光正無端端又講到公司冇?佢都得，唔通諗住退休？答案係絕冇此事，吳光正話，雖然已經67歲，但身體仲好好，依然熱愛工作。除?上市公司，佢仲兼顧埋連卡佛呢類家族私人生意𠻹。
佢伺機大讚阿仔吳宗權，話佢夠曬班做會德豐董事，咁九倉呢？佢話，九倉管理層運作好暢順，暫時就唔使加人，何況會德豐大把?做，阿仔將會夠曬忙。
開腔撐港地產股
心情勁靚，吳光正連私人投資都肯講。早排傳佢先掃新地(016)後買恒地(012)，佢開腔解釋，因為香港地產股股價折讓太大，覺得長遠投資會有著數。恒地主席李兆基都係咁睇喎，唔通真係英雄所見略同？
李華華
mailto:LiWaWa@AppleDaily.com
■吳宗權
上一則: 中石化加蓬遇阻滯
下一則: 中環在線：四叔變傳媒之友家誠企定學? - 李華華
中環在線 - 李華華 舊文