中環在線：劉央變大行明燈愛股多插水分析員唔敢跟 - 李華華
■一位係受股民愛戴?A股明燈張靚穎(右)，而另一位係令分析員怕怕?大行明燈劉央(左)。設計圖片
如果話散戶明燈係沈振盈，大行明燈可能就係「女股神」西京投資主席劉央?！近年只要被傳媒點名做「劉央愛股」，幾乎冇乜大行寫報告唱好，有報告都係叫沽貨，好邪啫。
沈大師都話跟唔過
按《彭博資訊》資料，出名係劉央愛股?銀基(886)、人和(1387)同招金(1818)，好少大行唱好，麥格理上月初仲出報告叫大家沽出人和。呢3隻股，年初至今?跌幅就有40%至50%，咪話唔得人驚。
招金已經叫做比較受大行關注，麥格理、瑞信同高盛本月都有出報告，前者評為中性，後兩者就叫人沽。至於劉央持有8.9%?美即(1633)，上月底就無端端急跌，跟手停埋牌。
愛股跌到七個一皮，劉央當然好傷，單計美即上周五急插當日已經輸?近6,000萬元；銀基、人和同招金今年?持股市值亦分別蒸發1.8億、5億同4.4億元。難怪沈大師都要抽水，爆出一句「大家都知劉央?record，根本冇可能跟得過」！
■查實沈振盈曾幾何時都係明燈一盞。
A股要靠張靚穎
講到股市明燈，內地都有一位張靚穎，雖然張靚穎係歌手一名，亦話唔炒股，但由於每次有佢?消息出現，A股之後就見底，所以佢俾內地股民封為「A股女神」。最新消息，係佢下月13號會參與?北京舉行?七夕演唱會，內地股民當然希望佢可以唱到A股見底反彈啦。
李華華
mailto:LiWaWa@AppleDaily.com
【動主播召喚 敢你就來】
立即報名：http://anchor.nextmedia.com
上一則: 兗煤發盈警料轉蝕24億
下一則: 中環在線：紅魔傑志爛地賽陳德霖半場即閃 - 李華華
中環在線 - 李華華 舊文