陸羽仁 BLOG 2013年9月12日
蘋果教訓
2013/9/12 9:55:6
網誌分類: 經濟
敍利亞危機緩和，美股杜指再升135點，但亞洲股市好似升得多唔想再跟，日韓股市開市都係微跌。
美國總統奧巴馬周二晚發表全國電視講話，表示他已請求國會推遲對敘利亞動武的議案投票，因為美國正與俄羅斯等國合作，通過外交渠道逼使敘利亞總統巴沙爾交出所有化學武器，並且在國際監控下全部銷毀，佢又表示已派國務卿克里今日與俄羅斯外交部長拉夫羅夫會晤，而他會繼續同俄羅斯總統普京溝通。Rockwell Global Capital公司首席市場經濟學家卡迪羅則表示，「一旦某個因素出錯，敘利亞問題又會重新成為關注焦點。」
美敘武裝衝突的危機雖然未係百份解除，但緊張情況已經相對緩和。美元回軟，金價、油價都弱番，股市恐懼指標VIX指數繼續回落，由14再跌至13的低水平。歐洲股市造好，升上五年以來新高，美股亦連升第七日，杜指漲135點至15327點，連續兩日升超過100點，標普500指數升5點，收1689點。
近期，敘利亞局勢引起的緊張氣氛，蓋過了投資者對聯儲局幾時開始正式退市的關注。敘利亞因素稍為淡化，對退市的憂慮又會浮面。聯儲局今個月17至18日召開議息會議，在不確性的困擾下，預計美股又會有一番動盪。彭博社最近查詢過34位經濟學家，普遍預期聯儲局將於今個月宣布正式減少買債，而減幅會係100億美元，即係由每月賣850億美元減到750億美元。
美股呢兩日氣勢如虹，但杜指科技股指數就逆市向下，主要原因係受科技股巨頭蘋果股價急跌拖累。蘋果教主一死，新機唔係好得，蘋果上日發布了兩款新手機iPhone 5s和iPhone 5c，後者為低價版iPhone。但市場認為無乜新意唔多睇好，當日股價逆市跌2.3%，失守500美元大關，昨日更大跌5.4%至467.71美元。主要原因係許多分析師表示，iPhone 5c呢個所謂售價太高，尤其係關鍵市場，難以吸引消費者購買。我加兩句，內地平價機王小米都係2000元一部，乜都有，蘋果呢啲平機真係一啲都唔平。
蘋果現時正處於追求利潤抑或市場份額的十字路口。目前，市場上安卓(Android)手機價格只是iPhone 5c定價的40至50%，對蘋果爭取更大的市場份額，沒有幫助。
蘋果推機唔得，美銀、瑞銀和瑞信昨日紛紛下調蘋果公司評級至「中性」和目標價，其中，瑞銀將目標價從560美元降至520美元。
唔好覺得蘋果係美股唔關我事，佢呢個教訓係任何巨鯨公司，都要小心佢有倒退的一天，諾基亞的經驗在前，蘋果的經驗在後，買股長揸都要引以為戒。
陸羽仁
回應(3) 我想回應
陸羽仁 BLOG 舊文