中環在線：ICC跑樓梯賽郭生披甲上陣 - 李華華
炳聯行上一百樓做埋瑜珈好想瘦
新地(016)與公益金合辦?「勇闖ICC-100——新地公益慈善跑」噚日第二年開跑，新地老闆郭炳聯舊年hea跑一層，今年就同阿哥郭炳江一齊用半粒鐘跑上100樓，可惜公關唔畀傳媒?終點影相，大家睇唔到兩位郭生行到喘曬氣個樣，只見開跑前?「英姿」。
今屆跑樓梯除?精英、接力、個人賽，下晝新增「滿fun體驗賽」，兩位郭生、新地「樓神」雷霆、董事陳國威玩呢場，志在參與。據聞，兩位郭生好認真，?教練陪同下，上月抽?一日試跑一次，噚日?成績比試行好少少。
雖然年過60，但郭炳江都幾有信心，起跑前氣定神閒做熱身，原來佢每日都運動半粒鐘，之前仲專登?健身室跑樓梯機練習。睇佢大小腿兩截色，平日真係有做戶外運動喎！
【怪手曳曳】臨開跑前，郭炳聯隻左手伸?去哥哥郭炳江身後，唔通兩兄弟習慣咁樣互相加油？右為雷霆。
半句鐘跑上100樓
郭炳聯就承認做唔到其他選手咁，鬥快跑上100樓，但可以玩嚇體驗版?「垂直馬拉松賽」，挑戰2,120級樓梯都幾好。佢話，平時都好鍾意行山遊水減肥，可惜好多時食得太多，瘦唔到，只可以羨慕?精英跑手咁苗條。
最終郭氏兄弟、雷霆、陳國威以半小時完成挑戰。
今次活動籌得600萬元善款，吸引超過30個國家同地區共1,019名參賽者，部份來自金融界。有參與接力賽?德勤代表隊，當中三位兩周前先跑完毅行者，任職審計師?周思仲跑過五年，佢話跑樓梯精神辛苦?，要集中注意力，平日跑山就可以望風景！
李華華
mailto:LiWaWa@AppleDaily.com
■郭炳聯腰板唔夠直，姿勢唔多正確喎！
■郭炳江身材都幾fit。
■上晝冇份跑，兩兄弟同埋一班高層?起跑線上發號司令開跑。
■德勤參賽隊伍，左起：審計師譚浩德、財務諮詢顧問江仲賢、審計師周思和IT策略顧問李永豪。羅君豪攝
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 印尼盾貶5.9%亞洲最傷
下一則: 中環在線：鄧小平國禮贈畫今北京拍賣 - 李華華
中環在線 - 李華華 舊文