Prof J財技特訓班：同股票玩偷情
■筆者認為，同股票暗暗偷情，要畀相當時間同準備金，散戶可以參考。資料圖片
寫咗《蘋果》財經專欄咁耐，最開心係空間感夠大，寫乜鬼都得會得到讀者的回應！
有一次同主持喺DBC做節目，呢位老友記以踢爆財技而成名，Prof J同佢做節目，都同佢講市場已經改變咗，用以前嘅招式炒股分析，好容易會跌入人家嘅思緒迷陣！因為你嘅對手絕對係一個ultron，有智慧兼有實力，如果你再用舊模式同佢死過，我諗你會死得快過佢！
有睇開我嘅文章，都知我好少會講股票冧巴，但近期開始多講咗自己炒嘢嘅經驗。
畀個所謂嘅冧巴有何難，你有冇自己嘅系統？我唔講，你又唔係以後冇得炒股票，之後咪又係做番小蟲蟲(法國係用蟲，香港係用羊)，咁樣又點會有進步呢？
要畀時間同準備金
要成功炒股，同股票暗暗偷情正合我心水，同股票心靈溝通確係好緊要，要同股票享受愉快嘅激情，你都要畀相當多嘅時間同準備金，因為佢唔騷你，可以發爛渣到乜差黃金比率、甚麼支持位，統統好似梅姐一樣，「將冰山劈開」！無論係真定係假都令你頂唔順一樣。
不過，說話又咁樣講，同佢偷情，最緊要觀察佢哋嘅脾性，因為佢有時只不過對住你擺嚇姿態咁，之後佢為咗要你跟住佢，一定會用盡方法引你入去，如果你夠耐性，定力夠的話，你自然係呢條女嘅首選！當然股價可以係你同佢偷情後嘅甜頭！
有一隻股，叫J股，Prof J在1.2元個價位衝入去，諗住大成交，大陽劍，價跌量不增，點知口號照背，又另一次中咗地雷，之後忍咗隻股三星期，內心嘅不安令我非常之唔高興，但係搞唔掂你，又令我好無曬「飛士」。
最後，正所謂只要有恒心，鐵柱磨成針，回報已經有超過百分之三十七！所以，都係嗰句話，要贏人，要先改變自己，倒空再玩過！
徐燦傑
中國銀河國際財富管理主管
本欄逢周四刊出
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp
徐燦傑
Prof J財技特訓班 - 徐燦傑 舊文