中環迷你裙：可敬的$1.7郵費
■香港郵政要自負盈虧，本地郵費僅1.7蚊真係太便宜。資料圖片
報稅季又來，梁振英、民建聯令本人企圖將報稅過程拖慢嚟做，真係唔想交稅，諷刺的是，比較民生的服務如香港郵政，要自負盈虧，最新公佈錄得逾億虧損，較上年度虧損擴大一倍，而全港128間郵局，多達97間錄得虧損，呢間公營機構簡直用可敬嚟形容，除了畀大家寄信，仲可以交水電煤，Samantha屋企附近間郵局正正喺領匯(823)個場入面，麥記都頂唔順，本地郵費僅1.7蚊實在收得太過便宜。
當然實有人批評郵局不思長進，要搞多啲花臣出嚟賺錢，在無紙化的衝擊下，就算兼埋快遞，但香港這地方實在細，情感上，真想同香港郵政打打氣「頂住吖」，予以支持。不過炒股方面，在「六絕」巡迴唱淡下，炒股小心為上，識揀都係揀啲有業績，有前景的公司，在內地從事能源計量設備、系統和服務的供應商威勝集團(3393)值得考慮。大圍環境方面，今年是電網設備的投資大年，國家電網投資增速首次接近20%，強國第一大智能儀表製造商威勝陸續取得阿爺大單，截至目前已取得價值約6.95億元(人民幣．下同)合約，去年僅取得7.13億元合約，已接近去年總和，業務保持增長，純利為4.01億元，按年增24%，毛利率亦能提升2個百分點，該股橫行兩個多月後，昨日股價急升半成，MACD呈現雙牛，是時候進場博破頂。
Samantha
本欄逢周三、五刊出
【壹錘定音】星期一至五，早上8點開咪！
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp
Samantha
中環迷你裙 - Samantha 舊文