魚樂無窮：時計寶攻守兼備值博
■董觀明任主席的時計寶業績省鏡，加上6厘息打底，可謂攻守兼備。資料圖片
世界盃曲終人散，愛隊荷蘭以120分鐘不敗之身奪得季軍，正餐冇份食都分到一客甜品。巴西last兩場輸足十球，足球王國變喪權辱國，球賽比數難估，股市亦唔易玩︰滬港通快將開波，AH大折讓股翻炒又翻炒，估唔到最夠鑊氣係深圳A股，學周星馳話齋，「畀你班蛋散估到，我就唔係食神啦！」
殼股繼續係市場主旋律，有意易手?英發(439)再破頂，另一宣佈獲洽購控股權?俊和(711)，造旗已接近尾聲，新一輪升浪隨時爆發，不妨留意。本報頭版報道，上季有188間公司發盈警，平均10間有1間中招。劣質公司湧現，績優股更具價值，主打中檔錶?時計寶(2033)，集齊電商概念、高息率及低PE印花，足夠換一份大禮物！
時計寶擁有「天王」及「拜戈」兩個品牌，前者為主要收入來源。截至去年12月底止，中期盈利1.5億銀，按年增長44%，意味內地打貪，對集團影響不大，現價PE9.6倍，比起同業普遍雙位數字估值，夠曬平！
時計寶同時擁有電子商貿皇牌，合作夥伴包括京東商城、拍拍、天貓等，管理層更預期三年內，電商收入佔比將由現時?7%大增至25%，動力足！公司亦事先張揚，首11個月收入及純利已超越上年度，靚靚業績可期。大股東今年來密密增持，帶動股價由1元低位反彈至昨日?1.19元，雖然累積升幅兩成，但息率依然有6厘，如此攻勢兼備股份，點秤都值博。
唐牛
https://www.facebook.com/tongcow88
唐牛
魚樂無窮 - 唐牛 舊文