魚樂無窮：尋找下一隻冠忠巴士
兩周前推介冠忠巴士(306)，至今累積升幅五成，跑得快過貓巴士。公司未見有任何消息，已經炒到飛天，證明只要有業績有派息，再配合貨源歸邊(冠忠兩大股東持貨72%)，要變提款機話都冇咁易。今日推介連達科技(889)，有齊冠忠?特質，真係唔買都過?睇嚇。
連達現金多貨源乾
連達主要業務為設計、製造及銷售適用於電子消費產品、數據處理器及其他電子系統?磁性元件，專注高檔市場，產品用途high tech，包括航空、軍事、醫療設備、電訊及數據處理設備、科技設備等，入場門檻之高可想而知，過去三年盈利介乎3,000萬至4,000萬銀，反映其業務穩定性！睇番派息紀錄仲巴閉，2002年起無間斷派送，正宗食息一族至愛，最新息率接近3厘，絕不欺場。點解公司咁慷慨？原來手頭淨現金達4.4億銀，相當於市值八成，三個字︰現金牛！
主席兼大股東蕭保羅持股72%，再扣除部份基金持貨，街貨隨時得幾千萬股，仲乾過冠忠，連達要做其翻版，夠曬條件。
再諗遠?，蕭保羅與妻子兼副主席徐惠美，分別73歲及68歲，過曬退休年齡，假如第二代未能成功接班，賣盤將會係唯一出路。公司扣除現金後市值僅得1億銀，同殼價差足九條街，股價落後程度令人咋舌。從任何一個角度出發，都有大炒?理據。係咁意用NAV價2.17元做目標，都要升25%，屆時同殼價依然有一大段距離。
唐牛
https://www.facebook.com/tongcow88
唐牛
魚樂無窮 - 唐牛 舊文