中環在線：踩入《壹錘定音》節目挑機
摩通高層騎呢反佔中
■《壹錘定音》噚日?金鐘佔領區做直播，點知有個中環精英踩場，仲舉起雙手，幻想被襲擊。蘋果網站 
《壹錘定音》主持李慧玲噚日落金鐘佔領區做直播訪問，訪問李柱銘與學聯代表梁麗幗，忽然間有位「挑機男」打斷訪問，一輪嘴發表兩分鐘政見。呢位「挑機男」並唔係普通白領，而係美資大行摩通中國企業融資部主管David Lau(劉伯偉)，董事總經理(MD)級數，屬高層，?投資銀行界好多人識?。
身穿藍恤衫、無打呔?David噚日走近梁麗幗，一開波就話「香港有好多人反對佔中」，在場人士勸佢冷靜?，佢就舉高雙手，立即就俾梁麗幗寸：「你放心，呢度冇人襲擊你」。
金融界多人識專做IPO
David之後繼續不停口，話佔中「多數人反對，少數人支持」，如果民主係少數服從多數，「(佔中者)最不民主」。
當李柱銘質疑佢指90萬人反佔中?可靠性，同埋當中有幾多收錢。David就終於似番個中環精英咁，快速用中英文回應：「?，你唔可以咁講，That is the only data available……佔中?人唔可以收錢?咩？」
《壹錘定音》直播時間係早上10點至中午，照計係辦公時間，唔知David係咁?行過，抑或有心去踩場呢？呢位David?金融界都好多人識?，佢專做新股(IPO)，負責湊內地企業?香港上市。過去做過唔少大刁，例如周大福(1929)同中石化煉化(2386)IPO咁。
最近就應該埋頭苦幹幫香港航空上市，爭取做第一隻雙幣雙股。不過有投行中人就話，摩通捲入聘請官二代醜聞，為免瓜田李下，已經避嫌做少好多生意。
David話自己係代表香港沉默大多數，但今時今日?政治氣候，略為有頭有臉?人發表政見，分分鐘拖埋公司落水。David話呢番係個人意見。摩通發言人表示，有關David個人言論，不代表公司立場呀！
李華華
mailto:LiWaWa@AppleDaily.com
李華華
LiWaWa@AppleDaily.com
中環在線 - 李華華 舊文