異動空間：廣船低吸?中線
好消息出貨可謂炒股的條件反射動作，滬港通落實通車日期，港股頂?大半日，最後一粒鐘散曬，恒指由開市升500點收窄至唔夠200點，日線圖成支大陰燭，成交更逾900億元，大戶清楚話畀各位知：憧憬實現，係時候出貨。
大折讓H股炒得好癲，追唔追得過？魏力睇法係：目前市場仍憧憬H股會追到A股價格，當大部份人都信，一窩蜂去炒，假設就會自我實現。如技術上做到套戥應不會仲有咁多水位畀各位去追，而A股在深圳掛牌的浙江世寶(1057)、山東墨龍(568)更不應該受惠。目前純炒憧憬，未來幾日可以升到無曬譜，但散水時亦會又快又急，應否追逐這個泡沫，視乎閣下可承受的風險。
廣船(317)復牌一周，走勢逐步穩定下來，又有留意價值。先強調一點，廣船最大賣點非H股折讓，而是軍工概念。不過，A股經過一周的漲停後，股價已回升至29.71元人民幣，折合37.4港元，H股(23.4港元)較其折讓37%，回到停牌前的折讓水平，屬合適的吸納位，作中線持有。未來炒作賣點包括：母公司繼續注資、首隻A+H軍工股，估值有望提高、行業及業績復蘇。
魏力
http://www.facebook.com/2012jason
魏力
異動空間 - 魏力 舊文