魚樂無窮：五大理由買中海發展
千呼萬喚，滬港通下周一正式開波，市場反應係點？港交所(388)升半成，恰如其份；大折讓H股，炒到飛天，普遍有一至兩成升幅；中港券商股，有頭威冇尾陣，叻極都升唔到一成，衰?仲倒跌收場。結論係乜？
概念大於一切也！開車後對券商股生意有實質幫助，乃不爭事實，相反兩地股票從不相互流通，套戥屬紙上談兵。殼股變身股可以倍倍聲咁升，實在不無道理。
今日推介中海發展(1138)，有齊概念及基本因素等五大賣點，唔買走寶。第一，業績翻身。首三季賺8,529萬人仔，第三季賺4,268萬人仔，已經多過上半年，公司亦率先報喜，今年有力扭虧為盈。第二，行業復蘇。波羅的海指數一個月抽升36%，主打乾散貨如鐵礦石?中海發展，食正運費上升條水。第三，估值便宜。中海發展現價PB0.7倍，同業中國遠洋(1919)PB1.3倍，中海集運(2866)0.9倍，中海發展平一截。
率先盈喜+運費看俏
第四，食正國策。習近平提出400億美元打造絲路概念，要打通亞洲經脈，航運事業必不可少，中海發展汁都撈埋。第五，當然係折讓概念。中海發展H股收報5.75元，A股收報6.68元，折約8.41港元，H股折讓31%，水位十足。
睇圖表，中海發展蓄勢升穿去年底延伸下降阻力，一旦突破，量度升幅可見7蚊，潛在升幅22%，屆時仲未有耐追到A股。
唐牛
https://www.facebook.com/tongcow88
唐牛
魚樂無窮 - 唐牛 舊文