魚樂無窮：光控兩大光環未炒完
■A股單日成交7,000億元人仔，差唔多係港股?十倍。資料圖片
A股單日成交7,000億元人仔，差不多係港股?十倍，以表叔最愛瘋炒性格，派對點會咁快完，後市繼續向3000點進發！
股市大旺，中資股肯定係首選，上周五推介?銀河證券(6881)再創新高，目標價有排未到，坐定定。四大中資龍頭之一?光大控股(165)，集轉型、重組概念於一身，可塑性達十粒星。
講起光控，大家或者只記得佢係?住光大證券、光大銀行(6818)等金融資產，其實公司近年已轉型投資公司，旗下基金包括私募、創投、房地產、基建、新能源、醫療，新舊經濟武器集一身！公司投資?中國飛機租賃(1848)，上市不足半年喪升1.2倍，反映其眼光獨到，絕對係塑造大企業?夢工場。
倘沽資產盈利好和味
講重組，光控母公司光大香港上月宣佈，財政部及匯金分別認購44.3%及55.7%註冊資本，成功升呢做股份制，對未來併購注資皆有利。為配合重組，適時會將所持光大銀行(6818)股份出售，光大證券遲早會剝離，兩大資產市值接近300億銀，相當於光控去年盈利22倍，一旦落實，特殊收益好襟計！兩大光環集一身，光控今年連番破關，但股價未及2007年高位一半，殘到爆！係咁易以反彈0.5倍做目標，可見21.4元，潛在升幅兩成。
唐牛
https://www.facebook.com/tongcow88
唐牛
魚樂無窮 - 唐牛 舊文