異動空間：政策打擊細價股
中港繼續悶市，焦點轉至施政報告，最驚訝係突取消投資移民，這對細價股影響不容忽視。以前富戶搞投資移民，最鍾意就係買樓，但2010年開始為遏抑樓市炒風，呢條門路已經封咗。取而代之，大款轉為掃細價股，或索性買隻殼來玩。如今投資移民暫停，細價股、殼股少咗一條大水喉，會否掀起散水潮就唔知，但最起碼炒風會冇咁熾熱，殼價亦可能略為下降。炒開呢類股份的戰友宜小心。
息高價平、圖表概念俱佳的股份，可留意新華文軒（811）。先睇圖表，過去兩個月以圓底整固，近日呈向上突破，可視為調整完成，再展升浪。而公司向中證監建設發行A股，雖然申請尚未獲批，但在中央強調發展文化產業的前提下，相信最終會獲批。最近一個發A股例子，可參考中州證券（1375），12月初建議發A股，股價旋即爆升最多近1倍，A股牛市初形成，發A股有望帶起H股估值向上，對股價絕對有利。
去年中期業績純利3.2億元人仔，按年增5%，相信全年可維持單位數增長。預測市盈率9倍，股息率料保持5厘以上，屬可攻可守之選，短線可上試52周高位7.68元。
魏力
http://www.facebook.com/2012jason
魏力
異動空間 - 魏力 舊文