陸羽仁 BLOG 2015年2月3日
油商未睇好
2015/02/03 09:34:54
網誌分類: 經濟
美股早段反覆，尾段造好。杜指在最後一小時大發神威，抽高近200點，收市漲196點至17362點；標普500指數重上2000點關口以及100天移動平均線，升26點，收報2021點；納指升41點至4677點。
推動美股造好動力主要源自能源股，紐約原油價格繼上周五大反彈8%後，昨日再反彈約2.8%至每桶49.57美元的一個月高位收市，在亞洲市更升上50美元樓上。而全球市值最大油商Exxon Mobil公布財報，第四季營收一如市場所料，大幅倒退，由去年同期的1109億美元降至873億美元，亦低過市場預期的876億美元，盈利亦由每股1.95弟美元降至1.56美元，但仍好過市場預期的1.34美元。
受油價反彈及Exxon Mobil盈利意外地好過預期，標普能源股大漲2.9%，其中Exxon Mobil升2.6%，Chervon漲3.6%，係表現第一及第三好嘅杜指成份股。另外，在總統奧巴馬嘅2016年的財政預算中顯示，美國仍會提供風能及太陽能行業稅務優惠，相關的再生能源股大漲，其中Sun Power升6.5%，First Solar升7.5%，Solarcity漲8.5%。
油價顯著反彈，令人關注見咗底未。但從大油商的回購自己股票行動去睇，佢地唔係咁睇好。兩大能源巨頭Chervon上周停止回購，Exxon Mobil由本周一起將回購減少一半，這是一個重要的姿勢。
油商回購自己股票，是在油價的瘋狂跌浪中，支持自己股價的行為。呢兩大巨頭對油價走勢應該最了，若然它們相信油價見底，見到觸底反彈，唔應該減少回購，係應該增加回購，有咁多買咁多，此舉不是為炒高股價，而是在低位盡量買自己股，平價回購股票註銷，股數減少，將來就可以增加每股盈利。但佢地一見油價升自己股價升就停手不再買，顯示它們未有信心油價已見底，所以要保留現金彈藥，等油價再大插，手頭現金更緊時，仍有子彈回購。雖然油商睇法未必啱，但佢地對油價了解多過我地100倍，都係跟佢地搵食好啲。
美股昨日早段反覆，無乜方向，尾市至發力。Conifer Securities嘅Steve Bombardiere解釋，「經濟數據雖然令人失望，新訂單指數由上月的57.8大幅減低至52.9，美國1月製造業以全年最慢速度增長，製造業PMI只有53.5，低過上月的55.1，而預期為54.5。不過情況又未至好嚴重，因為指數高過50，反映美國製造業仍在擴張之中。美企正在公布財報，但到目前為止仍未見可以推動或拖垮大市嘅催化劑。」
上星期五公布的美國第四季經濟增長2.6%，差過預期嘅3%，主要原因係商業投資放緩，美元強勢令到貿易逆差加大，抵消了消費者強勁支出的大部份貢獻。
睇整體經濟好壞，最終都係要睇企業是否有盈利有增長，市場近期似乎好驚美國經濟唔得，睇企業的業績，又唔係咁差，據彭博社資料顯示，到目前為止，包括昨日公布業績的9家標普500成份企業，大約有78%嘅公司季度盈利超預期，55%的公司營收超過預期。反映美國經濟底子其實都幾硬。
聯儲局於1月底嘅議息會議聲明上調對美國經濟正在復甦的睇法，並且表示隨著失業率降低，勞動市場況狀已經改善。市場解讀儲局會維持在今年年中開始加息的計劃。今個星期五將有1月份非農就業報告出爐，將進一步驗證呢個睇法。市場預期將增長232萬個職位，較12月份嘅252萬略少。
陸羽仁
回應(4) 我想回應
陸羽仁 BLOG 舊文