魚樂無窮：大時代vs大悶局
■用神戲「玩轉腦朋友」可形容現時股民狀態。 劇照
大市沒有最悶，只有更悶！全日波幅161點，兩個月低，主板成交686億，五個月低。用神戲「玩轉腦朋友」形容刻下股民狀態，阿樂意興闌珊，離開腦總部，由阿愁控制大局，阿燥同阿憎蠢蠢欲動，喺後面爭住上位。阿驚呢？所謂
十個牛皮九個淡，加上點睇都係壞消息多過好消息，再咁落去真係隨時嚇你一驚。
回帶去返年初，成交同樣低迷，但大家卻一致認命，依然好努力搵炒作主題。而家？你見識過股仔一日升幾倍，藍籌一日升一兩成，尋常升市已經滿足唔到大家。一句到尾︰試過大時代，真係返唔到轉頭！
利福（1212）周一派成績表，中期多賺15%至11.7億，撇除投資及匯兌收益後，中港兩地分部業績有9%增長，相信與尖沙嘴崇光有足半年貢獻有關（去年同期舊店只營運一個半月）。零售寒冬下業績尚算見得人，但主席劉鑾鴻卻喪吹淡風，預期下半年零售市道會辛苦。不過，唐牛嘅著眼點放於派息，利福中期息28.9仙，係歷來最勁嘅中期息。原因有兩個︰一、用高息留股民，撐住股價；二、大股東持貨逾五成，落回自己口袋。利福一貫其頻頻回購作風，放榜後即刻出手，帶來另類支持。睇圖就極肉酸，但有近五厘息墊底，upside應該大過downside！
唐牛
https://www.facebook.com/tongcow88
唐牛
魚樂無窮 - 唐牛 舊文